خەندان سپۆرت
پیپ گواردیۆلای ڕاهێنەری یانەی مانچستەر سیتی دوپاتی کردەوە کە بردنەوەکەیان بە ئەنجامی 4-1 گۆڵ لە یانەی ساوسهامپتۆن، بەو شێوەیە ئاسان نەبووە کە ئەنجامەکە دەریدەخات.
گواردیۆلا وتی: ساوسهامپتۆن لە نیوەی یەکەمدا سەرسوڕهێنەر بو و بەختمان هەبو پێش کۆتایی نیوەی یارییەکە گۆڵمان تۆمارکرد، بەڵام گۆڵی دوەم زۆر باشتر بو.
گواردیۆلا هەروەها باسی لە هالاند کرد و وتی: گۆڵی دوەم سەرسوڕهێنەر بو، ئاسان نییە تۆپ لە ئاسمان بگریت و لێی بدەیت، بەڕاستی بەهرەکەی سەرسوڕهێنەرە.
لە درێژەی قسەکانیدا وتی: دو دەیە لەگەڵ کریستیانۆ ڕۆناڵدۆ و لیۆنێل مێسی ژیاوین، بەڵام ئەگەر هالاند لە هەمان ئاستدا بەردەوام بێت گۆڵێکی زۆر تۆمار دەکات.