خەندان سپۆرت - خۆشناو محمد / شڕۆڤەکار ، نووسەر ، وەرگێـڕ
ڕاپۆرتە ڕۆژنامەوانییەکان باس لەجیا بوونەوەی دۆن ئەکەن لەبریکاری کارەکانی ( خۆرخی مێندێز ) ئەمەش بەهۆکاری لێک تێنەگەیشتنی قوڵ لەنێوانیان ،
ئەم هەواڵانە پاش ئەوە دێن ساروخەکەی مادێـرا پەیوەندی کرد بەیانەی نەسڕی سعودیەوە ، بەپێی ڕێکەوتنێکی مێژوویی ،
لەئیسپانیاوە بەتایبەت لە زاری ( پۆبلیکۆ ) ی پورتوگالیەوە ، پەیوەندیەکانی ڕۆناڵدۆ لەگەڵ مێندێز هەڵەپەسێدراوە ،
بەپێی ڕۆژنامەی مـارکـا / پەیوەندی نێوانیان لەو ساتەوە کۆتایی هات ڕیزی یانەی مانشستەری بەجێهێشتووە ،
پاشان ئەو ددیدارەی ڕاگەیاندنەکان کە ئەستێرەکەی مادێرا ئەنجامیدا و کۆتایی هێنا بەهەموو شتێکی نێوان دۆن و مانشستەر ...!
ئەو دیدارە تەلەفزیۆنیە فاکتەر بوو بەزوویی ڕیزی شەیتانە سوورەکان بەجێبهێڵێت ،
بەپێی هەواڵەکان مێندێز دژی ئەو دیدارەی دۆن بووە لەگەڵ ڕاگەیاندکار ( پێرس مۆرگان ) لەو دیدارەدا ڕۆناڵدۆ ڕووی تۆپەکانی کردە هەمووان و بۆردومانی هەموو بەرەکانی دژی خۆی کرد ...
سەرەتا لەڕاهێنەری هۆڵەندی ( تین هاگ ) ە وە دەستی پێکرد تا گەیشتە ئیدارەی یانەکە و بە خیانەتکار ناوی بردن ،
بەپێی زانیاریەکان هەڵپەساردنی پەیوەندی نێوان ساروخەکەی مادێرا و مێندێز بەڕەزامەندی هەردوو لا بووە ،
سەرەتایی سارد بوونەوەی پەیوەندی نێوانیان ئەگەڕێتەوە بۆ ئەو ساتانەی داوای کردبوو لەیوڤی بڕوات و مێندێز سەرکەوتوو نەبوو لەدۆزینەوەی یانەیەکی شیاو بۆ دۆن و ناچار گەڕایەوە یانەی شەیتانە سوورەکان ،
بەپێی هەواڵە ڕۆژنامەوانیەکان بەهۆی هەڵس و کەوتی خراپی ڕۆناڵدۆ لەمانشستەرەوە گلەیی زۆر هاتووە بۆ خۆرخی مێندێز ،
لەپاش گرفتەکانی لەگەڵ یانەی مان یوو ، دیسانەوە مێندێز سەرکەوتوو نەبوو لەدۆزینەوەی یانەیەکی شیاو بۆ دۆن لەئەنجامدا دۆن هەستا بەئەنجامدانی گرێبەستی سەدە لەگەڵ یانەی نەسڕی سعودی ،
کردنە دەرەوەی پورتوگال لەمۆندیال و گریانی ڕۆناڵدۆ و خەمبار بوونی دۆن بەو ئەنجامە خراپەی بەسەر هەڵبژاردەکەیدا هات ، هەڵس و کەوتی یاریزانەکان و ڕاهێنەر هەموو ئەمانە هۆکار بوون بۆ ئەوەی ڕۆناڵدۆ ڕوزی بێت لەکەنداو یاری بکات ،
بەپێچەوانەوە هەرگیز دۆن پێی خۆش نەبووە لەیانەیەکی عەرەبی یاریبکات ،
کۆتا خەونی مۆندیال بوو ، هەموو نازناوێکی تاکەکەسی و بەکۆمەڵی هەبوو لەگەڵ یانەکان و هەڵبژاردەکەی تەنها لەنازناوی مۆندیالی کەم بوو ...
ڕۆژنامە پورتوگالیەکان ئەڵێن : چەندین رۆژ کۆبوونەوە هەبووە بەڵام بەبێ مێندێز کۆبوونەتەوە لەگەڵ ئەستێرەکەی مادێرا ،
ئێستا خاوەنی کار و بارەکانی ڕۆناڵدۆ پورتوگالیەکی دیکەیە بەناوی ( ڕیکاردۆ ڕجوف ) کەناوی پەیوەستە بەمارکەی نایکی یەوە ،
ئەم بریکارە تازەی دۆن لەگەڵ دۆن گەشتی کرد بۆ وڵاتی سعودیە و گرێبەستی مێژووی یانەی نەسڕی بەسەرکەوتوویی ئەنجامدا ،
ماوەتەوە بڵێین : یانەی نەسڕی سعودی لەهەوڵ و کۆششەکانیان بەردەوام بوون و پێیان لەدۆن نەبڕی تا کۆتایی توانیان ئەو یاریزانە گەورەی جیهانی تۆپی پێ ببەنە وڵاتەکەیان و ئابووری و ناوی یانەکەیان خستە قۆغێکی نوێ ،
گڕێبەستەکەی ڕۆناڵدۆ تا ساڵی ٢٠٢٥ ئەبێت .