خەندان سپۆرت
گفتوگۆکان بەردەوام بون سەبارەت بە ئەگەری گەڕانەوەی ئەستێرە ئەرجەنتینییەکە لیۆنێل مێسی بۆ یانە کۆنەکەی کە یانەی بەرشەلۆنەیە، کاتێک گرێبەستەکەی لەگەڵ یانەی پاریس سان جێرمان لە ساڵی 2023 کۆتایی دێت.
دوای ئەوەی لە زاری چاڤی هێرناندێزی راهێنەرەوە بڵاوکرایەوە کە مێسی دەتوانێت بگەڕێتەوە بۆ کامپ نو، رۆژنامەنوسێکی ئەرجەنتینی هات بۆ ئەوەی ئەم بابەتە پشتڕاست بکاتەوە و ڤێرۆنیکا بروناتی نوسیویەتی: لە 1ی تەمموزی 2023 لیۆنێل مێسی دەبێتە یاریزان لە یانەی بەرشەلۆنە.
لەلایەکی دیکەوە ڕۆژنامەنوسی ئیتاڵی تانکریدی پاڵمەر لە تویتێکدا نوسیویەتی: بە گوتەی بروناتی ڕۆژنامەنوسی ئەرجەنتینی کە لە بنەماڵەی مێسی نزیکە لە مانگی تەمموزی داهاتو ئەو یاریزانە پەیوەندی بە یانەی بەرشەلۆنەوە دەکات، مێسی بۆندەکەی لەگەڵ پاریس سانجێرمان یەک ساڵ ماوە، لەگەڵ ئەگەری درێژکردنەوەی بۆ ساڵێکی دیکەش.