خەندان سپۆرت

لیۆنێل مێسی، ئەستێرەی پاریس سانجێرمان، ستایشی تواناکانی کیلیان مباپی هاوکارەکەی کرد لە ڕوبەڕوبونەوەی دو قۆڵی (مان تو مان) بەرانبەر ڕکابەرەکانی.

مێسی لە لێدوانێکیدا بۆ (TUDN Mexico) وتی: کیلیان مباپێ یاریزانێکی جیاوازە، ئەو دڕندەیەکی زۆر بەهێزە لە یارییە دو قۆڵییەکاندا.

هێرشبەرەكەی ئەرژەنتین وتیشی: مباپێ بۆشاییەكانی نێو یاریگا دەدۆزێتەوەو زۆر خێرایە، گۆڵێکی زۆریش تۆمار دەکات.

"مباپێ یاریزانێکی تەواوەو ، چەند ساڵێکە سەلماندویەتی، لە ساڵانی داهاتوشدا، بە دڵنیاییەوە لە باشترینەکان دەبێت".

لە ئێستادا یانەی پاریس سانجێرمان بە کۆکردنەوەی 22 خاڵ لە پێشەنگی ریزبەندی خولی فەرەنسادایە و بە دو خاڵ پێش مارسیلیا کەوتوە کە لە پلەی دوەمدایە.

هه‌روه‌ها یانە پاریسییه‌كه‌ به‌ كۆكردنه‌وه‌ی 6 خاڵ له‌ پێشه‌نگی كۆمه‌ڵه‌ی Hی لە چامپیۆنز لیگ گرتوە.