خولی باسکەى عێراق یاریزانێكی ئەمریکی دەهێنێتە خولەكە

03:59 - 19/09/2022

958جار خوێندراوەتەوە

خەندان سپۆرت

 

ئەمڕۆ دوشەممە، یانەی باسکەى حەشدی عێراق گرێبەستی لەگەڵ یاریزانی ئەمریکی سی گایلز ڕاگەیاند، کە پێشتر نوێنەرایەتی هەڵبژاردەی بەحرەینی دەکرد لە چەند پاڵەوانێتیەكی  کەنداو و کیشوەریدا.

ستافی تەکنیکی یانەكە بە سەرۆکایەتی عەقیل نەجم راهێنەر، گایلزی ئەمریکی هەڵبژارد، بۆ ئەوەی نوێنەرایەتی تیپەکە بکات لە خولی نایابی باسکە عێراق، ئەوەش بەهۆی توانای بەرزی یاریزانەکەوە.

گایلز پێشتر ئەزمونی زۆری هەبوە، جا چ لە وڵاتی خۆی ئەمریکا، یان لەگەڵ یانەکانی بەحرەینی و لوبنان، جگە لەوەی نوێنەرایەتی یانەی دهۆکی عێراقی كردوە.

لە 22ی ئەیلولەوە خولی نایابی تۆپی باسكەی عێراق دەست پێدەكات و یانەی حشد لە هۆڵی داخراوی ئەلشەعب لە بەغدای پایتەخت گەشتەكەی بەرانبەر ئەلتەدامۆن ئەلنەجەفی دەست پێدەكات.

نیشانەکردن

#باسكە