خەندان سپۆرت
یانەی لیڤەرپول ئارەزوی خۆی بۆ گواستنەوەی یاریزانێکی یانەی ریاڵ مەدرید لە گواستنەوەی هاوینەی ئێستا نوێکردەوە.
بەگوێرەی هەواڵیكی رۆژنامەی مۆندۆ دیپۆرتیڤۆی ئیسپانی، لیڤەرپوڵ بەجدی بیر لە گواستنەوەی مارکۆ ئەسینسیۆ، یاریزانی بیانەی ریاڵ مەدرید دەکاتەوە لە هاوینی ئەمساڵدا.
یاریزانەكە لە خولی ئیسپانی لە دو یاری یەکەمی یانەی شاهانەی وەرزی نوێ بەشداری نەکرد، ئەمەش وایکرد بیر لە جێهێشتنی تیپەکە بکاتەوە.
وە ڕۆژنامەکە ئاماژەی بەوەشکردوە، بەرپرسانی لیڤەرپول پێشتر پەیوەندییان بە بریکاری یاریزانەکەوە کردوە کە خۆرخی مێندێسی پورتوگالییە، چونکە یانە شاهانەییەکە بڕی 30 ملیۆن یۆرۆ دەخاتە ڕو بۆ دەستبەرداربون لە یاریزانە تەمەن 26 ساڵەکە.
گرێبەستی ئەسینسیۆ لەگەڵ یانەی ریاڵ مەدرید لە 30ی حوزەیرانی 2023 کۆتایی دێت.