بنزیما بە باشترین یاریزانی چامپیۆنزلیگ دیاریكرا

02:15 - 31/05/2022

5469جار خوێندراوەتەوە

خەندان سپۆرت

 

کەریم بنزیمای فەرەنسی، ئەستێرەی یانەی ریاڵ مەدرید، وەرزی رابردو وەک باشترین یاریزانی چامپیۆنزلیگ دەستنیشانکرا.

یەکێتی ئەوروپا لە پێگەی فەرمی خۆیدا رایگەیاندوە، لیژنەی تەکنیکی یەکێتی تۆپی پێی ئەوروپا بنزیمای هەڵبژاردوە بۆ بەدەستهێنانی خەڵاتەکە، ئەمەش دوای ئەوەی بەشدارییەکی گەورەی کرد لە بردنەوەی نازناوی چامپیۆنزلیگ لەلایەن یانەی ریاڵ مەدرید لەم وەرزەدا.

بنزیما وەرزی رابردو لە چامپیۆنزلیگ لەگەڵ یانەی ریال مەدرید 15 گۆڵی تۆمارکرد، ئەمە جگە لەوەی دو ئاسیستی گرنگ بۆ هاوڕێکانی.

لە یاری کۆتایی چامپیۆنزلیگ ریاڵ مەدرید توانی سەركەوتن بەسەر لیڤەرپولدا تۆماربكات و بە گۆڵێک بەبێ وەڵام لەو یانەیەی بردەوە، گۆڵەکەش ڤینیسیۆس جونیۆری یاریزانی  بەڕازیلی تۆماریکرد.

یانەی ریاڵ مەدرید بۆ جاری چواردەهەمین جار لە مێژوی خۆیدا نازناوی چامپیۆنزلیگی بەدەستهێنا، هەروەها کارلۆ ئەنچیلۆتی راهێنەریش گەیشتە چوارەم نازناوی پاڵەوانێتی ئەوروپا.