كارلۆس پێشنیاری یاریزانێكی پریمەرلیگ بۆ یانەكەی دەكات

06:02 - 12/05/2022

5822جار خوێندراوەتەوە

خەندان سپۆرت

 

رۆبێرتۆ كارلۆسی بەرازیلی رێنمایی یانەی ریاڵ مەدرید دەكات و  پێشنیاری ئەنجامدانی گرێبستێكیان بۆ دەكات لە پێناو ئامادەكارییەكانی یانەكە بۆ ركابەرییەكانی وەرزی داهاتو.

رۆژنامەی زەسەنی بەریتانی بڵاویكردوەتەوە رۆبێرتۆ كارلۆس داوای لە ئیدارەی یانەی ریاڵ مەدرید كردوە گرێبەست لەگەڵ سادیۆ مانی یاریزانی یانەی لێڤەرپوڵ ئەنجام بدەن.

رۆژنامە بەریتانیەكە بڵاویشیكردوەتەوە بە بۆچونی كارلۆس یاریزانەكەی لێڤەرپوڵ شایستەی پۆشینی درێسی یانەی ریاڵ مەدریدە و دەتوانێت لەگەڵ ئەو یانەیە بە ئاستێكی ناوازە دەربكەوێت.

سادیۆ مانی لە یارییەكانی ئەم وەرزە بە ئاستێكی بەرز دەركەوتوە و لە ئێستا لەگەڵ یانەكەی لە یاریی كۆتایی خولی یانە پاڵەوانەكانی ئەوروپایەو لەگەڵ مانچستەر سیتیش ڕكابەری بۆ بەدەستهێنانی نازناوی پریمەرلیگ دەكەن.

نیشانەکردن

#ریال مەدرید