ئیدریسا: پاریس لە ئازاری چامپیۆنز لیگ ڕزگاری نەبوە

02:06 - 12/05/2022

2587جار خوێندراوەتەوە

خەندان سپۆرت

 

یاریزانانی پاریس سان جێرمان زیاتر لە دو مانگ دەبێت كە لە کابوسی كردنەوە دەرەوە  لە چامپیۆنز لیگدا دەژین، كە لەرانبەر یانەی رایل مەدرید لە قۆناغی دوەمی ئەو پاڵەوانێتیە ماڵئاواییان كرد.
 
یاریزانی ناوەڕاستی پی ئێس جی ئیدریسا گای وتی: "نائومێدی چامپیۆنز لیگ هێشتا بونی هەیە، ویستمان لەم پێشبڕکێیەدا بەرەو پێشەوە بڕۆین، بەڵام نەكرا".
 
ئیدریسا لە لێدوانێكیدا بۆ ڕۆژنامەی لی پاریسیان وتی: "چامپیۆنز لیگ خەونی یانەکە و خەونی هەمو یاریزانەکانی تیمەکەیە".
 
ئەو یاریزانەی سێنیگالیە وتی: "هێشتا وەرزێکی باشە بۆ من کە بۆ مۆندیال ئامادەبم و نازناوی جامی نەتەوەکانی ئەفریقا و خولی فەرەنسا بەدەست بهێنم".
 
وتیشی: "هەوڵدەدەین وەرزەکە بە باشترین شێوە تەواو بکەین، هەرچەندە بە دوای کۆتاییەکی باشتردا دەگەڕاین".
 
یانەی پاریس سان جێرمان لەخولی 16 ماڵئاوایی لە چامپیۆنز لیگ کرد و دوای بردنەوەیەکی 1-0 لەپارکی پرینس و دۆڕانی 1-3 لە سانتیاگۆ بێرنابیۆ.