ئۆزێل لە تەمەنی منداڵیدا زۆر بە خراپی ژیاوە

05:33 - 31/03/2022

1877جار خوێندراوەتەوە

خەندان سپۆرت

 

مەسعود ئۆزێل یاریزانی تۆپی پێی ئەڵمانیا و یانەی فێنەرباخچەی توركی باس لە ژیانی منداڵی و ئەو نەهامەتییانە دەکات کاتێک بەسەر خۆی  و خیزانەکەیدا هاتوە.

ئۆزێل بەڕەگەز کوردی باكورەو لە ئەڵمانیا لەدایکبوە، باس لەوە دەکات کاتێک منداڵ بوە هاوڕێکانی لەنێو خانوی گەوەرەو دڵگیردا ژیاون و ئەمیش لەنێو خانویەکی بچوکی ناخۆشدا، چونکە دایکی بەخێوکەریان بوەو پیشەی کارگوزار بوە، بەو هۆیەوە نەیتوانیوە بژێویەکی باشیان بۆ دابین بکات.

ناوبراو باس لەوە دەکات کە ئێستا دوای هەوڵ و ماندوبونێکی زۆر لە کۆشکێکی نایابی گرانبەهادا دەژی کە نرخەکەی بەبڕی 12 ملیۆن دۆلاری ئەمریکی مەزەندە دەکرێت.

لەکۆتایی ئەو چاوپێکەوتنەی بچوکەی ماڵپەری حوڕیەتی تورکیدا ئۆزێل دەڵێت: "دایکم کارگوزاری قوتابخانە بوەو منیش بەو منداڵییە رۆژنامەم فرۆشتووە".