رۆژنامەیەك نهێنیەكی فێرگسۆن و كریستیانۆ ئاشكرادەكات

02:46 - 18/04/2020

4968جار خوێندراوەتەوە

خەندان سپۆرت

 

راپۆرتی رۆژنامەكانی ئیسپانیا ئاشكرایدەكەن كە سێر ئەلێكس فێرگسۆنەی راهێنەری پێشوی یانەی مانستەر یونایتد لەو كاتەی كریستیانۆ یانەكەی جێهێشتوە، هەوڵیداوە ئەو یاریزانە نەچێتە یانەی شاهانە و یانەیەكی دیكەی بۆ دیاریكردوە.

رۆژنامەی ئاس لە هەواڵێكیدا ئاشكرایكردوە، كە سێر ئەلێكس فێرگسۆن دژی ئەوە بوە كە كریستیانۆ رۆناڵدۆ پەیوەندی بە یانەی ریاڵ مەدریدی ئیسپانییەوە بكات و هەوڵی ئەوەیداوە ئەو یانەیە لە مانچستەر یونایتدەوە رو لە یانەیەكی دیكە بكات.

هەمان سەرچاوە ئەوەشی ئاشكراكردوە، كە فێرگسۆن خواستی ئەوەی هەبوە ئەو یاریزانە یاریی بۆ یانەی بەرشەلۆنە بكات و پێشنیاری كردوە بۆ یانەی بەرشەلۆنە كە رۆناڵدۆ بۆ یانەكەیان بگوازنەوە، بەڵام دواجار ئەو یاریزانە روی لە یانەی ریاڵ مەدرید كرد.

كریستیانۆ بۆ ماوی نۆ ساڵ لەگەڵ ریاڵ مەدرید یاریی كرد و توانی ببێتە گۆڵكاری مێژوی ئەو یانەیە و لەگەڵ ئەوەشدا چەندین نازناوی گرنگی بەدەستهێنا.