خەندان لایف

ئەو دایك و باوكانەی گرفتی ئەوەیان هەیە كە منداڵەكانیان لە قسەكردن دواكەوتون، نازانن چ رێگەیەك بگرنەبەر بۆ چارەسەری ئەم گرفتە، دكتۆر دانیال سەعدی، پزیشكی نەخۆشییە دەرونییەكان یاریكردنی بە چارەسەرێكی گرنگی ئەم گرفتە داناوە و باسی لە سودەكانی كردوە.

1. یاری پاڵنەر دروست دەکات: 
پێش ئەوەی هەر پێشکەوتنێك بەدەستبهێنرێت، دەبێت پاڵنەر هەبێت. منداڵ دەبێت ئارەزوی گەڕان، هاوبەشکردن، کارلێککردن و دۆزینەوەی هەبێت.

2. یاری پەیوەندی ئەرێنی دروست دەکات: 
زۆر گرنگە بزانریت کە منداڵان چۆن هەست دەکەن سەبارەت بە پەیوەندیکردن. بە تایبەت ئەو منداڵانە کە پێویستیان بە پاڵپشتی زیاترە لە پەرەپێدانی تواناکانی قسەکردن و زمان.

3. یاریکردن زەمینەیەکی سروشتی بۆ پەیوەندیکردن دابین دەکات: 
یاریکردن بەشێکی سروشتی منداڵییە، بەشێکە کە ئیلهام بەخشە بۆ دۆزینەوە ئارامی و داهێنان و خەیاڵ.

4. یاریکردن پەرە بە دروستکردنی پەیوەندی دەدات: 
یاریکردن چوارچێوەیەکە بۆ پەیوەندیکردن لەگەڵ گەورەکان و هاوتەمەنەکان و پێش ئەوەی کارە ڕاستەقینەکە دەست پێبکات، چارەسەرکار دەبێت پەیوەندییەکی ئاسودەیی لەگەڵ منداڵەکە دروستبکات، یاریکردن ئەو ئامرازەیە کە منداڵ ئاسودە دەکات و متمانە بەخۆبون دروست دەکات.

4. یاریکردن پشتگیری لە گەشەسەندنی کۆمەڵایەتی سوزداری دەکات: 
ئەو مندالانەی کە توانای لێهاتویی یاریکردنیان هەیە ئامرازێکی گەورەیان هەیە کە ساڵ بە ساڵ لەگەڵ گەشەکردنیان گەشە دەکات و دەگۆڕێت. 

5. یاری پاڵپشتی هەمو بوارەکانی گەشەکردن دەکات: 
هەمو بوارەکانی گەشەکردن بەیەکەوە گرێدراون، یاریکردن تەنها سنوردار نییە بە توانای قسەکردن و زمان، بەڵکو دەرفەت بۆ بنیاتنانی کارامەیی کۆمەڵایەتی، توانای جوڵەی ورد و کۆی گشتی، کارامەیی چارەسەرکردنی کێشەکان، توانای سەرنجدان.