نیشانەكانی غوددە و رێگە سروشتییەكان بۆ چارەسەركردنی

02:37 - 06/12/2022

3179جار خوێندراوەتەوە

خەندان لایف- کرێکار قادر ڕوستایی

غوددەی دەرەقی چیە ؟
غوددە؛ وشەیەكی عەرەبیە بەمانای (كلاند) دێت، واتە ئەو ئەندامەی لەش كە هۆرمۆنێك دەڕێژێت.

هۆرمۆن: مادەیەكی پرۆتینیە دابەش دەبێت لەسەر ئەندامەكانی لەش بۆ جێبەجێكردنی فەرمانێكی تایبەت. 

غوددەی زۆر هەیە لە لەشی مرۆڤداو لە هەموی بە ناوبانگتر ئەوەیە كە دەكەوێتە بەشی پێشەوەی مل كە بە عەرەبی بە (غوددە دەرقیە) ناسراوە.
 
كاری غوددەی دەرەقی چیە؟ 
غوددەی دەرەقی دو هۆرمۆن دەڕێژێتە ناو خوێن كە ناسراون بە هۆرمۆنی (T3 - T4) كە یارمەتیدەرن بۆ بەڕێوەبردنی پرۆسەی میتابولیزم، واتە دەرهێنانی وزەو گەرما لە خواردەمەنییەكان كە هەمو ئەندامەكانی لەش سودی لێدەبینن. 

نەخۆشییەكانی غوددەی دەرەقی زۆرن بەڵام دوانیان زۆر گرنگن و باو ترن:

زۆر دەردانی هۆرمۆن و كەم دەردانی هۆرمۆن(چالاک و ناچالاک).

نیشانەكانی جۆری یەكەم:
1. كێش دابەزێن. 
2. هەستكردن بەگەرما هەرچەند كەشیش ساردبێ.
3. ئارەقكردنەوە. 
4. لێدانی دڵ بەپەلە. 
5. دەست لەرزین. 
6. دڵەڕاوكێ و توڕەبون. 
7. سكچونێكی كەم. 
8. كەمبونی خوێنی سوڕی مانگانە لەئافرەتاندا. 

نیشانەکانی جۆری دوەم: 
1. ئاوسانی دەم وچاو و لێوەكان. 
2. هەستكردن بە سەرما هەرچەندە كەش گەرمیش بێت. 
3. گرژبون و گڕبونی دەنگ. 
4. وشكبونی پێست و قژ. 
5. خاو و خلیسكی لە هەمو شتێك.
6. جموجوڵ و بیركردنەوەو قسەكردن. 
7. كەمبونەوەی بیستن. 
8. زۆری خوێنبەربونی سوڕی مانگانە لە ئافرەتاندا. 
9. قەبزی.

چارەسەری سروشتی بۆ نەخۆشی غوددەی دەرەقی چیە؟
چارەسەری غوددەی دەرەقی بە کەڵەشاخ، سود  وکاریگەریەکی زۆر باشی هەیە، بەڵام دەبێت بە پێی نەخشەی زانستی  پزیشکی و زانستی کەڵەشاخ بێت، واتا شوێنەکانی ئەنجامدانی کەڵەشاخ بۆ نەخۆشی غوددەی دەرەقی، لەو شوێنانە کەڵەشاخ بکرێت کە لەسەر وێنەکە ئاماژەی پێکراوەو بە خاڵێکی ڕەش دیاری کراوە.

سێ جەلسە لەسەر یەک کەڵەشاخ و زالوی پزیشکی بۆ ئەنجام دەدرێت.

هەروەها قستی هیندی ڕۆژانە سێ ژەم بە کپسول بخوات، نیو كاتژمێر دوای نان خواردن، تا سێ مانگ یان قستی هیندی چارەکێک بکاتە نیو کیلۆ هەنگوینی ئەسڵی.

تێبینی یەکەم: قستی هندی بۆ ئافرەتی دوگیان نابێت چونکە دەبێتەهۆی زۆر چالاکی ڕەحم و کۆرپەلە لەبار دەبات.

تێبینی دوەم: ئەوکەسانە غوددەی ناچالاکیان هەیە نابێ سەوزە گەڵا پانەکان بخۆن، وەک جەرجیر، تەڕەتیزە.

تێبینی سێیەم: دەبێت کەڵەشاخ و  زالوی پزیشکی لای کەسانی شارەزا و ڕاهێنراو بکرێت، چونکە کارێکی پزیشکیە دەبێت کەسانی ئەکادیمی ئەنجامی بدەن، کەڵەشاخ و زالوی پزیشکی کارکردنە لەسەر پێست و لەگەڵ خوێن بۆیە دەبێت بەشێوازێکی پزیشکی و تەندروستی و پاک و خاوێنێ ئەنجام بدرێت.