نیان عەبدوڵا: بەرهەمێكی نوێ بۆ هاوسەرەكەم بڵاودەكەمەوە

02:09 - 05/12/2022

2316جار خوێندراوەتەوە

خەندان لایف

هونەرمەندی گۆرانیبێژ، نیان عەبدوڵا بەرهەمێكی نوێ بۆ ساڵی نوێ بڵاودەكاتەوە.

نیان عەبدوڵا لە پێگەی فەرمی خۆی لە تۆڕی كۆمەڵایەتی ئینستاگرام ڤیدیۆی خۆی لەكاتی تۆماركردنی بەرهەمە نوێیەكەی بڵاوكردەوە و رایگەیاند، "بەمزوانە گۆرانییەك ناسكرین جوانترین ئاواز هۆنراوە گۆرانی وەك بۆمب دەتەقێنمەوە ئەم گۆرانییەم بۆ هاوسەرەكەم وتوە و بۆم كردە سوپرایز، چونكە لەوەش زیاتری قابیلە".

وتیشی، "گۆرانییەكە لە ئاوازی خۆم و هۆنراوەی كاك هێمن نادرە، ئامادە و دابەشكردنی خەلیل عەبدوڵا، وەك شمشالیش عەزفی كردوە، تۆماركردنی دەنگ ئارام سەردار لە ڤینۆ ستۆدێو دەنگم خست سەری و لە توركیا موزیكەكان ژەنراون".

ئەوەشیخستەڕو، "بۆ ساڵی نوێ بەكلیپەوە دەكەوێتە بەرچاو بەر گوێی بیسەران و هەوادارانی خۆم خۆشمدەوێن، بەهیوام وەك كارەكانی ترم جێگای ڕەزامەندیتان بێت".

نیان عەبدوڵا لەدایكبوی شاری سلێمانییە، لە ساڵی 1996ـەوە دەستی بەكاری هونەری كردوە و تا ئێستا خاوەنی چەندین گۆرانی و كلیپی بڵاوكراوەیە.