كیم كارداشیان لە خۆشەویستەكەی جیادەبێتەوە

12:25 - 06/08/2022

8270جار خوێندراوەتەوە

خەندان لایف

كیم كارداشیان و پیت دەیڤدسن، دوای 9 مانگ لە پەیوەندی خۆشەویستی، لە یەكتر جیابونەوە.

سەرچاوەیەكی نزیك لە كیم كارداشیان، لەبارەی پەیوەندی كیم و پیت رایگەیاند، "ئەو دو خۆشەویستە كە ماوەی 9 مانگە لە پەیوەندیدان، بڕیاریاندا لە یەكتر جیابونەوە و بە هاوڕێ لەگەڵ یەكتر بمێننەوە".

هەروەها لەبارەی هۆكاری جیابونەوەیان باسیلەوەكرد، "بەهۆی جیاوازییەكی زۆری خشتەی كاركردنیان ئاسان نەبو پێكەوە بمێننەوە، هەربۆیە بە رێزەوە یەكتریان بەجێهێشت".

پیت لە ئێستادا بە مەبەستی كاركردن لەسەر فیلمە نوێیەكەی سەردانی ئوسترالیای كردوە، كیم سەرقاڵە بە بەخێوكردنی منداڵەكانی لەگەڵ هاوسەری پێشوی، كانیای وێست.

کیم کارداشیان لەدایکبوی ساڵی 1980، ئەستێرەیەکی دیاری تەلەفیزیۆنەکانی ئەمەریکا و سۆشیال میدیایە، لە ساڵی 2014 لەگەڵ کانیای وێست ژیانی هاوسەریان پێکهێنا و لە ساڵی رابردو جیابونەوە، خاوەنی دو کچ و دو کوڕە.