نەوید زەردی لەگەڵ ئینسا بەرهەمێكی نوێی بڵاوكردەوە

03:36 - 09/06/2022

9760جار خوێندراوەتەوە

خەندان لایف

هونەرمەندی گۆرانیبێژ، نەوید زەردی بەرهەمێكی نوێی هونەری لەگەڵ گۆرانیبێژی ئەلبانی، ئینسا بڵاوكردەوە.

نەوید زەردی لە رێگەی كەناڵی یوتیوبی خۆی كلیپی "كاڵێ"ی بڵاوكردەوە كە بە دوێت لەگەڵ ئینسا وتویەتی، تێكست و ئاوازی بەشە گۆرانییەكەی لەلایەن نەوید دانراوە، ئینسا بەشێك لە تێكستە ئەلبانییەكەی نوسیوە و ئاوازەكەی داناوە.

نەوید لەگەڵ زۆرێك لە هونەرمەندانی كورد و بیانی گۆرانی وتوە، بەرهەمی "كاڵێ" نوێترین كارییەتی لەگەڵ گۆرانیبێژێكی بیانیدا.

گۆرانیبێژ  نەوید زەردی لەدایکبوی شاری مەهابادی رۆژهەڵای کوردستانە، لە ساڵی 2004 دەستی بەکاری هونەری کردوە، خاوەنی چەندین گۆرانی و ڤیدیۆ کلیپە،  ماوەیەكی زۆرە لە وڵاتی ئەڵمانیا ژیان بەسەر دەبات.