كاركردن وادەكات ژیانی خۆت لەبیربچێتەوە..
چۆن هاوسەنگی رابگریت؟

12:00 - 29/05/2022

2858جار خوێندراوەتەوە


خەندان لایف

لەبیركردنی خۆت بەهۆی زۆری سەرقاڵیتەوە بە كاركردن زیانی گەورەی هەیە بۆ تەندروستی دەرون و جەستە، هێندە دەزانیت ساڵانێكی زۆری تەمەنت لێڕۆیشت بێ ئەوەی چیژ لە ژیانی خۆت ببینیت و لەو نێوەندەدا خۆت دەكەیت بە قوربانی.

بە چەند رێگەیەك دەتوانیت چێژ لە ژیانت ببینیت.


1. هاوسەنگی رابگرە لە نێوان شوێنی كار و ماڵەوە، خێزانەكەت پشتگوێ مەخە و كاتیان لەگەڵدا بەسەر بەرە.

2. لەبیری مەكە، پێویست نییە تەنها چاوەڕێی سەركەوتنی هاوسەر و منداڵەكانت بیت، سەركەوتنی خۆت لەبیر مەكە و هەوڵەكانت دوامەخە لەپێناو ئەوان.

3. رۆتینی رۆژانەت بشكێنە و چێژ لە ژیانت ببینە، ئەمەش وادەكات كەمتر وزەی نەرێنی رو لە ژیانت بكات.

4. خۆت هانی خۆت بدە و ئاهەنگ بۆ سەركەوتنەكانی خۆت بگێڕە، چاوەڕێ مەكە كەسانی دیكە ئەمەت بۆ بكەن.

5. لەدوای تەواوبونی كارەكەت، كات تەرخان بكە بۆ خۆت و خێزانەكەت و سەرقاڵ مەبە بە پیشەكەت لە ماڵەوە.

6. هەفتەی چەند رۆژێك تەرخان بكە بۆئەوەی كاتەكانت بەتەنها و بۆ خۆت بەسەر بەریت، لەوكاتانەدا كتێب بخوێنەرەوە، وەرزش بكە، تەماشای فیلم بكە یان هەر شتێك بكە  كە ئارەزوت لێیەتی.