ئەو چەند رەفتارەی كەسانی سەركەوتو پێش نوستن دەیكەن بە خو

12:08 - 10/05/2022

8952جار خوێندراوەتەوە

خەندان لایف

كۆتا كار كە لە ئەمشەودا پێش نوستن دەیكەیت كاریگەری هەیە لەسەر دەستپێكی رۆژی سبەینێت، كەسانی سەركەوتو لەمە تێگەیشتون، هەربۆیە گرنگی بە تەندروستی جەستە و دەرونیان دەدەن و چەند رەفتارێك دەكەن بە خو، بۆئەوەی دەستپێكی هەر رۆژێكیان بەرەو سەركەوتنێكی نوێیان ببات.

1. پێش نوستن دەخوێننەوە، بەلایەنی كەم نیو كاتژمێر پێش نوستن.

2. لە كار دوردەكەونەوە و تا كۆتا خولەكی رۆژەكەیان بەردەوام نابن لە كار.

3. تەماشای تۆڕە كۆمەڵایەتییەكان ناكەن و بەسەر ئیمەیڵەكانیاندا ناچنەوە، مۆبایل و ئامێرە تەكنەلۆژییەكان بەكارناهێنن.

4. پلانی رۆژی نوێیان دادەنێن، بۆئەوەی كە سبەینێ لە خەو هەستان بزانن دەست بە چی دەكەن.

5. كات لەگەڵ خێزانەكانیان بەسەر دەبەن و باسی رۆژەكەیان دەكەن، ئەمەش فشاری دەرونیان كەمدەكاتەوە.

6. بیر لە لایەنە ئەرێنییەكەی رۆژەكەیان دەكەنەوە، پێش نوستن بیر لە كێشەكان ناكەنەوە بۆئەوەی كاریگەری لەسەر سیستمی خەویان دروستنەكات.

7. گرنگی بە پاكوخاوێنی خۆیان دەدەن، گەرماو دەكەن و ددانەكانیان دەشۆن.