درێژكردنەوەی ریشی سەرتاپای ژیانی هەڵگێڕایەوە

12:32 - 05/05/2022

15180جار خوێندراوەتەوە

خەندان لایف

هەندێك كەس دەڵێن، ریش بۆ پیاوان وەكو ماكیاژی وایە بۆ خانمان، وایان لێدەكات سەرنجڕاكێشتر دەربكەون و متمانەبەخۆبونیان زیاد دەكات، ئەمەش گویلیم پیو بە تەواوەتی راستبو و سەرلەبەری ژیانی گۆڕی.

گویلیم پیو كاری بازرگانی دەكات، رۆژێك لەو كاتەی گەنجێكی تەمەن 21 ساڵ بو، سەردانی سەرتاشەكەی كردوە، ئامۆژگاری كردوە كە ریشی درێژبكاتەوە، وە خۆی لەو بڕیارەدابو كە كێشی جەستەی كەمبكاتەوە، ئەم دو بڕیارە بە تەواوی ژیانیان گۆڕی.

گویلیم لەوبارەیەوە وتی، "من لەو كاتەدا كێشی جەستەم زۆربو، رۆژانە 12 كاتژمێر كارم دەكرد لەسەر كۆمپیوتەر و كاتی راهێنانم نەبو، كارەكانم بە باشی دەڕۆشتن بەڕێوە، بەڵام بڕیارمدا بڕۆم بۆ جیم و دوبارە ببمەوە بە كەسێكی تەندروست".

ئەو گەنجە كە لە ئێستادا كاری مۆدێلی دەكات، باسیلەوەكرد، "باشترین كار كە بۆ خۆمم كردبێت ئەوەبو كە چیتر 9 بۆ 10 كاتژمێر لەسەر كۆمپیوتەر دانەنیشم، راهێنانم دەكرد"، لە ماوەی 5 ساڵدا 40 كیلۆ لە كێشی دابەزاند.

پاش ئەوەی ئەو دو گۆڕانكاریەی لە ژیانیدا دروستكرد، هەژمارێكی لە تۆڕی كۆمەڵایەتی ئینستاگرام دروستكرد و رۆژانە وێنەكانی خۆی بڵاودەكردەوە، لە ماوەیەكی كەمدا وە جێی سەرنجی زۆركەس و بە زویی وێنەكانی لە تۆڕە كۆمەڵایەتییەكان بڵاوبوەوە.

لەلایەن چەندین براندی جیهانی بەناوبانگەوە پەیوەندی پێوەكرا و داوای ئەوەی لێكرا وەكو مۆدێل كاریان لەگەڵ بكات، لە ئێستادا رێكەوتنی لەگەڵ چەند برادێك واژۆ كردوە.

گویلیم لەبارەی ژیانی ئێستایەوە دەڵێت، "هەست دەكەم زۆر بە بەختم، لە گەنجێكی خەمبارەوە كە بە دەگمەن ماڵەكەی جێدەهێشت، بوم بە كەسێك ئەو ژیانە دەژیم كە خەونم پێوە دەبینی، ئەوە باشترین كار بو كە بۆ خۆمم كرد".