خەندان لایف
دڵەراوکێ، نیگەرانی و سترێس دۆخێکە روبەڕوی هەمو کەسێک دەبێتەوە، بەڵام چارەسەرکردنی زۆر ئاسانە، دەکرێت بە مەساجکردنی گوێت ئەو کێشانە چارەسەربکەیت، کە رێگەیەکی ئاسانە و لەهەرکات و شوێنێکدا بێت دەتوانیت ئەنجامیبدەیت، ماڵپەڕی برایتساید ئەو گۆرانکارییانە بڵاوکردوەتەوە کە بەسەر جەستەدا دێت ئەگەر مەساجی گوێت بکەیت.
یەکەم: ئازاری ماسولکەکانت کەمدەبێتەوە، هەروەها بەسودە بۆ ئەو کەسانەی بەردەوام ئازاری بەشی خوارەوەی پشتیان هەیە.
دوەم: سترێس و نیگەرانییەکانت کەمدەبێتەوە و هەست بە ئاسودەیی دەکەیت.
سێیەم: سەرئێشە و لاسەرئێشە چارەسەر دەکات، دەتوانیت چای نەعناش بەکاربهێنیت کە کاریگەرییەکی باشتری دەبێت.
چوارەم: یارمەتی دابەزینی کێش دەدات، ئەو کەسانەی رجیم دەکەن دەتوانن مەساجی گوێیان بکەن بۆئەوەی کاریگەرییەکی باشتری هەبێت.
پێنجەم: چارەسەری کەمخەوی دەکات و جەستە دەحەوێنێتەوە.
شەشەم: وزەی جەستە زیاد دەکات، شەکەتی و ماندوبون ناهێڵێت.
