10 هۆکار بۆ ئەوەی جپسی پەتاتە نەدەیت بە منداڵەکەت

12:00 - 28/06/2020

9900جار خوێندراوەتەوە


خەندان لایف

چپس له‌كۆمه‌ڵێك پێكهاته‌ پێكدێت وه‌كو زه‌یت، خوێ، ماددەی پارێزەر، تام، ره‌نگ، بۆن و نیشاسته‌"، كه‌ به‌شێوازێكی ناته‌ندروست مامه‌ڵه‌ى له‌گه‌ڵ بكرێت كاریگه‌رى له‌سه‌رته‌ندروستى مرۆڤ به‌گشتی ومنداڵ به‌تایبه‌تی، دکتۆر پشدەر عبداللە اسماعیل، پزیشکی پسپۆڕی نەخۆشیەکانی منداڵان، زیانەکانی چپسی خستوەتەڕو.

یەکەم: قەڵەوی و کێش زیادی، بڕێکی زۆر چەوری و وزەی تێدایە کە مەترسی توشبون بە نەخۆشیەکانی شەکرەو دڵ زیاد دەکات.

دوەم: بڕێکی زۆر خوێی سۆدیۆمی تێدایە کە مەترسی توشبون بە بەرزبونەوەی فشاری خوێن زیاد دەکات بەمەش ئەگەری لەکارکەوتنی گورچیلە و جەڵتەی مێشک زیاد دەکات.

سێیەم: بڕێکی زۆر لە چەوری جۆری  خراپەکەی تێدایە کە توشبون بە نەخۆشیەکانی دڵ زیاد دەکات.

چوارەم: هۆکارێکە بۆ کلۆربونی ددانەکان.

پێنجەم: بڕێکی زۆر چەوری زەیتی خراپی تێدایە و پێکهاتەی جپس کەمترین ماددەی سودبەخشی بۆ گەشەی منداڵەکە تێدایە.

شەشەم: هۆکارێکە بۆ ئەوەی منداڵەکە هەمیشە هەست بە برسیەتی بکات و داوای جپسی تر بکات، چونکە بڕێکی زۆر کاربۆهیدرات و نیشاستەی تێدایە، کە دەبێتە هۆی ناڕێکی لە ئاستی شەکری گلوکۆزو هۆڕمۆنی ئەنسۆلین.

حەوتەم: چالاکی مێشکی منداڵەکە زیاد دەکات، بۆیە دەبێتە هۆی جوڵەیەکی زۆر لە سروشتی منداڵەکە.

هەشتەم: لە ئەنجامی پڕۆسەی دروست کردنی جپسی پەتاتەکە ماددەیەک دروست دەبێت کە پێی دەوترێت (acrylamide)، هۆکارێکی مەترسیدارە بۆ توشبون بە نەخۆشی شێرپەنجە.

نۆیەم: خواردنی جپسی پەتاتەی زۆر هۆکارێکە بۆ توشبون بە  وشک بونەوەی منداڵ.

دەیەم: بۆ ژنی سکپڕ مەترسی لەسەر ژیانی کۆرپەکە  دروست دەکات و لەوانەیە ببێتە هۆی مردنی کۆرپەکەی.