ژاڵە رەسوڵ و سۆران ئیبراهیم وەڵامی رەخنەکانی درامای دواشەو دەدەنەوە

10:50 - 17/05/2020

90520جار خوێندراوەتەوە


خەندان لایف

هەردو ئەکتەری سەرەکی درامای دوا شەو، ژاڵە رەسوڵ و سۆران ئیبراهیم، وەڵامی ئەو رەخنانە دەدەنەوە کە لە چەند گرتەیەکی درامای دوا شەو گیرا.

پاش ئەوەی لەچەند رۆژی رابردو چەند دیمەنێکی ژاڵە رەسوڵ و سۆران ئیبراهیم لە درامای دواشەو نمایشکرا، لەلایەن بەشێک لە بینەرانەوە روبەڕوی رەخنە بوەوە و دەوترا ئەم دیمەنانە لەگەڵ کلتوری کوردیدا ناگونجێت.

لەوەڵامی ئەو رەخنانە خانمە پێشکەشکار و ئەکتەری کورد ژاڵە رەسوڵ، لەپێگەی فەرمی خۆی لە تۆڕی کۆمه‌ڵایەتی ئینستاگرام رایگەیاند، "هاوسەر و خێزانی من لە هونەر و نواندن تێدەگەن، وە لەوە تێدەگەن کە ماچی سەر واتە رێز، وە دەزانن کە من چەند ئاگاداری کەلتور و کۆمەڵگەی خۆمانم و سنور بەزاندن نییە".

وتیشی، " ئەوان وەکو ئەو کەسانە نین کە ئەو کۆمێنتە ناخۆشانە دەنوسن بێ بیرکردنەوە، ئیتر قسەو قسەڵۆک بوەستێنن، دراماکەش تەواوبو، بابەس بێت تکایە".

هەروەها ئەکتەری کورد سۆران ئیبراهیم لەوبارەیەوە رایگەیاند، "ئەو کەسانەی وشەی نەشیاو دەنوسن دواکەوتون و نایانەوێت ژن ئازاد بێت و پێش بکەون، واز لە دژایەتی بهێنن و یەکتری مەشکێنن، با کەس بە ئاگری کەسی دیکە نەسوتێت، ماچی نێوچەوان واتە رێز".