هەواڵی ئەمڕۆ

گەنجێكی كورد لە بریتانیا کوژرا

12:43 - 17/09/2019

39660جار خوێندراوەتەوە

خەندان-

دەزگای لوتکە بۆ کاروباری پەنابەران رایگەیاند، پێشنیوه‌ڕۆی دوێنێ دوشه‌ممه‌ له‌ وڵاتی بریتانیا گه‌نجێكی كورد ده‌كه‌وێته‌ بۆسه‌ی گروپێكی مافیاوه‌ و به‌ شێوه‌یه‌كی دڕندانه‌ کوژراوە.

پێشنیوه‌ڕۆی دوێنێ له‌ وڵاتی بریتانیا گه‌نجێكی كورد ده‌كه‌وێته‌ بۆسه‌ی گروپێكی مافیاوه‌ و به‌ شێوه‌یه‌كی دڕندانه‌ کوژراوە

 

دەزگای لوتکە بۆ کاروباری پەنابەران ئەمڕۆ بڵاویکردەوە، پێشنیوه‌ڕۆی دوێنێ دوشه‌ممه‌ له‌ وڵاتی بریتانیا گه‌نجێكی كورد ده‌كه‌وێته‌ بۆسه‌ی گروپێكی مافیاوه‌ و به‌ شێوه‌یه‌كی دڕندانه‌ کوژراوە.
گه‌نجه‌ كورده‌كه‌ خه‌ڵكی ده‌ڤه‌ری سیده‌كانه‌ و ناوی هه‌مه‌وه‌ند عه‌لی حوسێن-ه‌ و ته‌مه‌نی 35 ساڵانه‌

 

ئاماژەی بەوەشکردوە، "گه‌نجه‌ كورده‌كه‌ خه‌ڵكی ده‌ڤه‌ری سیده‌كانه‌ و ناوی هه‌مه‌وه‌ند عه‌لی حوسێن-ه‌ و ته‌مه‌نی 35 ساڵانه‌، به‌پێی وته‌ی كه‌سوكاره‌كه‌ی، هه‌مه‌وه‌ند به‌ده‌ستی چه‌ند كه‌سێكی مافیا كوژراوه‌ و پاشان ته‌رمه‌كه‌ی شێوێنراوه‌ و له‌ شوێنێكی چۆل فڕێدراوه‌".

دەزگای لوتکە بۆ کاروباری پەنابەران دەشڵێت، "دوای چه‌ند كاتژمێرێك به‌سه‌ر تێپه‌ڕبونی ڕوداوه‌كه‌دا له‌ لایه‌ن پۆلیسه‌وه‌ ته‌رمه‌كه‌ی هه‌مه‌وه‌ند دۆزراوه‌ته‌وه‌".