خه‌ندان-
سەرۆک وەزیرانی عێراق رایگەیاند، مامجەلال سەلماندی کە عێراق لەلایەن تاکە حزبێک یان بنەماڵەیەک حکوم ناکرێت، دەتوانن سەرجەم کێشە و ئاڵنگارییەکانی ئێستای هەرێم و عێراق بە گفتوگۆ چارەسەر بکەن، هەوەرها دەستی هەماهەنگی بۆ وڵاتانی دراوسێ رادەکێشن و هەمو خراپەکارییەک بەرامبەر سەرەوەی خاکی وڵاتان رەتدەکەنەوە.
مامجەلال بەرەنگاری دیکتاتۆریەت و رژێمی بەعس بوەوە
محەمەد شیاع سودانی سەرۆک وەزیرانی عێراق لە ساڵیادی کۆچی دوایی مامجەلال رایگەیاند، مامجەلال بەوپەڕی هێز و ئازایەتییەوە بەرەنگاری دیکتاتۆریەت و رژێمی بەعس بوەوە، وە سەلماندی کە عێراق تا حزبێک یان بنەماڵەیەک حکومرانی ناکرێت.
کێشە و ئاڵنگارییەکان بە گفتوگۆ چارەسەر دەکرێن
ئاماژەی بەوەشکرد، هەمو ئەو کێشە و ئاڵنگاریانەی بەرەنگاری هەرێم و عێراق دەبێتەوە، دەکرێت لە رێگەی روحیەتی بەرزەوە چارەسەر دەکرێت، ئەوانیش هەموان بانگەشەی گفتوگۆیەک دەکەن کە ببێتە هۆی سەقامگیری هەرێم و لەسەر سەقامگیری عێراقیش وێنەبداتەوە.
خاوەنی بڕیاری نیشتمانی خۆمانین
باسی لەوەشکرد، بەهۆی خوێنی شەهیدانی هەمو عێراقەوە، بونەتە خاوەنی بڕیاری سەربەخۆی نیشتمانی و یەکێتی پۆلێنەکانی گەل، ئەوەش بوەتە ئامڕازی پاراستنی خاکی عێراق لە خراپەکارییەکان و پاراستنی سەرەوەرییەکەی.
خراپەکاری بەرامبەر سەرەوەری وڵاتان و عیراقیش قبوڵ ناکەین
ئاماژەی بەوەشکرد، خراپەکاری بەرامبەر خاکی وڵاتانی دیکە و سەرەتا خاکی عێراق رەتدەکەنەوە، هەوەرها دەستی هەماهەنگی بۆ وڵاتانی دراوسێ رادەکێشین، چونکە لەم کابینەی حکومەتەدا باوەڕیان بە پەیوەندی دەرەکی پەیوەست بە بنەمای نەتەوەیی هەیە.