خەندان-
ده‌سته‌ی خانه‌نشینی نیشتمانی عێراق رایگه‌یاند، له سبه‌ینێ یه‌كشه‌ممه‌وه ده‌ست به‌دابه‌شكردنی موچه‌ی مانگی (تشرینی یه‌كه‌م/10)ی خانه‌نشینانی سه‌ربازی و شارستانی ده‌كه‌ن.
حسام عه‌بدولستار یاریده‌ده‌ری سه‌رۆكی ده‌سته‌ی خانه‌نشینی نیشتمانی رایگه‌یاند، ده‌سته‌كه‌یان له سبه‌ی یه‌كشه‌ممه‌وه ده‌ستده‌كات به دابه‌شكردنی بودجه بۆ موچه‌ی خانه‌نشینانی شارستانی و سه‌ربازی بۆ مانگی (تشرینی یه‌كه‌م/10)ی 2023.
راسته‌وخۆ سه‌ردانی لقی بانكه‌كان و فرۆشگاكانی ATM بكه‌ن
داوای له خانه‌نشینانی شارستانی و سه‌ربازی كرد كه كورته‌نامه‌یه‌كیان پێده‌گات، راسته‌وخۆ سه‌ردانی لقی بانكه‌كان و فرۆشگاكانی ATM بكه‌ن له به‌غدا و پارێزگاكان بۆ وه‌رگرتنی موچه‌كانیان.
ئه‌وه‌ش له‌كاتێكدایه حكومه‌تی هه‌رێمی كوردستان دوای گه‌یشتنی 700 ملیار دینار له به‌غداوه به‌رده‌وامه له‌دابه‌شكردنی موچه‌ی مانگی (ته‌مموز/7)ی فه‌رمانبه‌ران و خانه‌نشینان، بۆ دابه‌شكردنی موچه‌ی مانگه‌كانی (ئاب/8 و ئه‌یلول/9) به‌هه‌مانشێوه چاوه‌ڕوانی ناردنی پاره‌ی دیكه له‌لایه‌ن حكومه‌تی فیدڕاڵیه‌وه ده‌كات.