خه‌ندان-
سەرۆکی سوریا لەگەڵ هاوسەرەکەی لەلایەن سەرۆکی جێنەوە بە فەرمی بانگهشێتی پەکین کراون و بڕیارە لە رۆژی پێنجشەممە لوتکەی سوریا و چین بەرێوەبچیت، و سەرۆکی سوریا لەگەڵ شاندی سیاسی و حکومی چین کۆببێتەوە
ئاژانسی هەواڵی سوریا "سانا" بڵاویکردەوە، بەشار ئەسەد سەرۆکی رژێمی سوریا و ئەسما ئەسەدی هاوسەری سەردانی چین دەکەن، بڕیارە لەگەڵ شی جینگ بینی سەرۆکی چین کۆببنەوە.
لەلایەن چینەوە بە فەرمی بانگهێشتکراوە
ئاماژە بەوەشکراوە، رۆژی پێنجشەممە سەرۆکی سوریا لەگەڵ هاوسەرەکەی بەرەو چین بەڕێکدەکەون و لەلایەن سەرۆکایەتی ئەو وڵاتەوە بە شێوەیەکی فەرمی بانگهشێت کراون، کۆبونەوەی نێوان سەرۆکی سوریا و بەرپرسانی چینیش لە شاری خانجۆ و پەکینی پایتەخت دەبێت.
لە روی پێگەی جوگرافی و رۆڵی سیاسی لە رۆژهەڵاتی ناوەڕاست سوریا لەلایەن چینەوە گرنگی پێدەدرێت
پەیوەندی نێوان سوریا و چین، پەیوەندییەکی جیۆ سیاسییە و هیچ رەهەندێکی ئابوری پێوە دیار نییە، سوریا وەک باڵانسێکی ستراتیژییە بۆ چین، نەک تەنها لە روسی سامانە سروشتییاکانییەوە، بەڵکو لە روی پێگەی جوگرافی و ئەو رۆڵەی لە هاوکێشەی سیاسی رۆژهەڵاتی ناوەڕاستدا هەیەتی.