خه‌ندان-
وەزارەتی نەوتی عێراق رایگه‌یاند، داهاتی فرۆشتنی نه‌وت له مانگی رابردودا زیاتر له هه‌شت ملیار دۆلار بوە.
10 ملیۆن و 122 هه‌زار و 874 به‌رمیل نه‌وت هه‌نارده كراوه
وەزارەتی نەوتی عێراق له راگه‌یه‌ندراوێكدا باسی له‌وه‌كردوه، "کۆی هەناردەکردن و داهاتی بەدەستهاتو له مانگی رابردودا بەپێی ئەو ئامارەی لەلایەن کۆمپانیای بەبازاڕکردنی نەوتی عێراقی (سۆمۆ)وه دەرچوە 10 ملیۆن و 122 هه‌زار و 874 به‌رمیل نه‌وت هه‌نارده كراوه، داهاتەکەشی بڕی هه‌شت ملیار و 846 ملیار دۆلار بوه".
کۆی ئەو بڕە هەناردەکراوانەی نەوتی خاو بۆ مانگی رابردو 105 ملیۆن و 236 هەزار و 963 بەرمیل بوە
ئاماژه‌ی به‌وه‌شكردوه، کۆی ئەو بڕە هەناردەکراوانەی نەوتی خاو بۆ مانگی (ئاب/8) لە کێڵگە نەوتییەکانی ناوەڕاست و باشوری عێراق بڕی 105 ملیۆن و 236 هەزار و 963 بەرمیل بوە، هاوکات بڕی هەناردەکراو بۆ ئوردن بڕەکەی 464 هەزار و 725 بەرمیل بوه.
هەناردەکردن لە کێڵگەی گەیارە 421 هەزار و 186 بەرمیل بوە
له راگه‌یه‌ندراوه‌كه‌دا هاتوه، هەناردەکردن لە کێڵگەی گەیارە 421 هەزار و 186 بەرمیل بوە، لەکاتێکدا تێکڕای بڕی هەناردەکراوی ڕۆژانە گەیشتوەتە سێ ملیۆن و 423 هەزار بەرمیل لە ڕۆژێکدا و تێکڕای نرخی یەک بەرمیل گەیشتوه‌ته 83.35 دۆلاری ئه‌مریكی.