خەندان-

بەڕێوەبەرایەتی گشتی كەشناسی و بومەلەرزەزانی هەرێمی كوردستان رایگەیاند، لەئەمڕۆوە پلەكانی گەرما رو لەبەرزبونەوە دەكەن و ئاسمانی ناوچە جیاجیاكانی هەرێمیش بەگشتی ساماڵ دەبێت.

بەڕێوەبەرایەتی گشتی كەشناسی و بومەلەرزەزانی لەڕاگەیەندراوێكدا بڵاویكردەوە، ئەمڕۆ هەینی ئاسمانی ناوچە جیاجیاكانی هەرێم ساماڵ دەبێت، پلەكانی گەرما بە نزیكەی 1-3 پلە بەراورد بەتۆماركراوەكانی دوێنێ بەرزتر دەبنەوە.

سبەی شەممە بەهەمانشێوە ئاسمان ساماڵ دەبێت

ئاماژەی بەوەشكردوە، سبەی شەممە بەهەمانشێوە ئاسمان ساماڵ دەبێت، پلەكانی گەرماش جارێكی دیكە بەرزتر دەبنەوە بەجۆرێك 1-2 پلە بەراورد بەتۆماركراوەكانی ئەمڕۆ بەرزتر دەبنەوە.

 بەرزترین پلەكانی گەرمای پێشبینیكراو بە پلەی سیلیزی :

هەولێر     : 43 پلەی سیلیزی
سلێمانی   : 41 پلەی سیلیزی
دهۆك      : 42  پلەی سیلیزی
كەركوك   : 44 پلەی سیلیزی
هەڵەبجە   : 42 پلەی سیلیزی
زاخۆ  :  43 پلەی سیلیزی
حاجی ئۆمەران : 26 پلەی سیلیزی
سۆران :       41  پلەی سیلیزی
گەرمیان  :  44  پلەی سیلیزی