پارتی ژمارەیەک وەزیر و بەرپرسی باڵای حزبەکەی لە حکومەت دەگۆڕێت

10:32 - 05/12/2022

15835جار خوێندراوەتەوە

خەندان-

ئەمڕۆ مەکتەبی سیاسی پارتی دیموکراتی کوردستان کۆدەبێتەوە و بەگوێرەی بڕیارێکی پێشوی حزبەکەش ئەوانەی بونەتە ئەندامی مەکتەبی سیاسی دەبێت دەستبەرداری پۆستە حکومییەکانیان ببن، لەو چوارچێوەیەشدا بەگوێرەی زانیارییەکانی خەندان پشتیوان سادق دەست لەپۆستی وەزیری ئەوقاف دەکێشێتەوە و ئەحمەد کانی لەجێگەی دەستبەکاردەبێت، هەروەها عەبدولخالق بابیری، ئەندامی کۆمیتەی ناوەندی پارتی لەجێگەی سەربەست لەزگین، دەبێتە بریکاری وەزیری پێشمەرگە.

مەکتەبی سیاسی بڕیار لە گۆڕینی بەرپرسی لقەکان دەدات

ئەمڕۆ دوشەممە مەکتەبی سیاسی پارتی دیموکراتی کوردستان سێیەمین کۆبونەوەی خۆی لەدوای کۆنگرەی 14ەوە ئەنجام دەدات و کۆبونەوەکەش تایبەتکراوە بە گۆڕانکارییەکانی ناوخۆی حزبەکە، لەوانەش گۆڕانکاری لە بەرپرسی لقەکان لە سنوری پارێزگاکانی هەولێر، سلێمانی، دهۆک و ئیدارە سەربەخۆکانی گەرمیان، زاخۆ، راپەڕین و سۆران.

ئەحمەد کانی بۆ وەزیری ئەوقاف کاندید کراوە 

لیستی گۆڕانکارییەکانی ناو پارتی و دەستلەکارکێشانەوەی ئەندامانی مەکتەبی سیاسی لە پۆستە حکومییەکانیان بە لیستێک ئامادە کراوە و چاوەڕێ دەکرێت ئەمڕۆ پەسەند بکرێن، بەشێک لە گۆڕانکارییەکانیش بەم شێوەیە دەبن پشتیوان سادق دەست لەپۆستی وەزیری ئەوقاف دەکێشێتەوە و ئەحمەد کانی لەجێگەی دەستبەکاردەبێت، هەروەها عەبدولخالق بابیری، ئەندامی کۆمیتەی ناوەندی پارتی لەجێگەی سەربەست لەزگین، دەبێتە بریکاری وەزیری پێشمەرگە.

هێمن هەورامی دەستلەکاردەکێشێتەوە

پەیوەست بەم بابەتەش وەیسی سەعید، ئەندامی فراکسیۆنی پارتی لەپەرلەمانی کوردستان بە خەندان-ی راگەیاند، بەگوێرەی دوایین بڕیاری مەکتەبی سیاسی پارتی پێویستە سەرجەم ئەندامانی مەکتەبی سیاسی حزبەکەیان دەستبەرداری پۆستە حکومییەکان ببن و خۆیان بۆ کاروباری حزب تەرخانبکەن، لەو چوارچێوەشدا هێمن هەورامی، جێگری سەرۆکی پەرلەمانی کوردستانیش لەداهاتویەکی نزیکدا دەستلەکاردەکێشێتەوە.

زانا مەلا خالید و لیزا فەلەکەدین کاکەیی بۆ شوێنگرتنەوەی کاندید کراون

بەگوێرەی زانیارییەکانی خەندان بۆ شوێنگرتنەوەی هێمن هەورامی تائێستا ناوی دو پەرلەمانتاری ئەو حزبە پێشنیاز دەکرێن بۆ ئەوەی وەک جێگری سەرۆکی پەرلەمانی کوردستان دەستبەکاربن، ئەوانیش بریتین لە زانا مەلا خالید، سەرۆکی فراکسیۆنی پارتی لە پەرلەمانی کوردستان و لیزا فەلەکەدین کاکەیی، ئەندامی فراکسیۆنی پارتی کە لەکۆنگرەی 14ی حزبەکەیدا بە ئەندامی کۆمیتەی ناوەندی هەڵبژێردرا.

ئەحمەد کانی:

ئەحمەد کانی: سەردانی رابردووی پارتی بۆلای لایەنە... | رووداو.نێت

عەبدولخالق بابیری:

 

12ی مانگی رابردو، كۆمیته‌ی ناوه‌ندی پارتی دیموكراتی كوردستان به‌ سه‌رۆكایه‌تی مه‌سعود بارزانی كۆبوه‌وه‌ و ئه‌ندامانی مه‌كته‌بی سیاسی حزبه‌كه‌ی هه‌ڵبژارد، کە لە 17 ئەندام پێکدێت. 

مەکتەبی سیاسی پارتی لە 17 کەس پێکهاتوە
ئه‌ندامانی مه‌كته‌بی سیاسی پارتی پێكدێن له‌ سیداد بارزانی، فازڵ میرانی، فوئاد حسێن، هۆشیار زێباری، ئازاد بەرواری، مەحمود محەمەد، کەمال کەرکوکی، رێبوار یەڵدا، زەعیم عەلی، هێمن ھەورامی، پشتیوان سادق، ھیوا ئەحمەد مستەفا، سەربەست لەزگین، زاگرۆس فەتاح، نەوزاد هادی، عەلی حوسێن و ئامینە زیکری.