فەرمانی لێخۆشبون بۆ 1659 کارمەندی حوکمدراوی ئاسایشی ناوخۆ دەردەکرێت

04:53 - 29/11/2022

3221جار خوێندراوەتەوە

خەندان-

سەرۆکی حکومەتی هەرێمی کوردستان بڕیارێکی بۆ لێخۆشبون لە 1659 کارمەندی حوکمدراوی هێزەکانی ئاسایشی ناوخۆ دەرکرد کە تاوانی هەڵاتنیان ئەنجامداوە، لێخۆشبونەکەش تەنها  حکومی تاوانی هەڵاتنیان دەگرێتەوە و هیچ سزایەکی دیکە ناگرێتەوە کە لەسەریان تۆمارکراوە.

لێخۆشبون بۆ 1659 کارمەندی حوکمدراو دەردەکات

بەگوێرەی بڕیارێکی سەرۆکایەتی ئەنجومەنی وەزیرانی هەرێمی کوردستان کە رۆژی 26ی ئەم مانگە دەرچوە و واژۆی مەسرور بارزانی، سەرۆکی حکومەتی هەرێمی کوردستانی لەسەرە، ئاماژە بەوەکراوە،  فەرمانی لێخۆشبون بۆ 1659 کارمەندی حوکمدراوی هێزەکانی ئاسایشی ناوخۆ کە تاوانی هەڵاتنیان ئەنجامداوە و ئەرکەکانیان جێهێشتوە، دەردەکات.

هیچ سزایەکی تەبەعی و تەکمیلی و ئاسەوارێکی سزایی دیکە ناگرێتەوە

ئەوەش خراوەتەڕو، ئەم لێبوردنە تایبەتە و ئەو حوکمدراوانە دەگرێتەوە کە تەنها تاوانی هەڵاتنیان ئەنجامداوە و "هیچ سزایەکی تەبەعی و تەکمیلی و ئاسەوارێکی سزایی دیکە ناگرێتەوە ."

فەرمانی سەرۆکی حکومەتی هەرێمی کوردستان

فەرمانی سەرۆکی هەرێمی کوردستان

نیشانەکردن

حکومەتی هەرێم