بەئامادەبونی لایەنەکانی عێراق؛ کۆبونەوەیەکی "گرنگ" لە ماڵی مام لە بەغدا دەکرێت

03:59 - 28/11/2022

4562جار خوێندراوەتەوە

کۆبونەوەی بەشێک لە سەرکردەکانی عێراق وێنە: ئەرشیف

خەندان-

ئێوارەی ئەمڕۆ دوشەممە بە میوانداری بافڵ جەلال تاڵەبانی، سەرۆکی یەکێتیی نیشتمانیی کوردستان، کۆبونەوەی ھاوپەیمانی ئیدارەی دەوڵەت بە ئامادەبونی سەرۆک وەزیران، سەرۆکی پەرلەمان و سەرکردەی لایەنە سیاسییەکانی عێراق لە ماڵی مام لەبەغدا بەڕێوەدەچێت.

ھاوپەیمانی ئیدارەی دەوڵەت  لە ماڵی مام لە بەغدا کۆدەبێتەوە 

میدیای فەرمی یەکێتی نیشتیمانی کوردستان بڵاویکردەوە، بە میوانداری بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام لە بەغدا ئێوارەی ئەمڕۆ ھاوپەیمانی ئیدارەی دەوڵەت بە ئامادەبونی محەمەد شیاع سودانی سەرۆک وەزیران و محەمەد حەلبوسی سەرۆکی ئەنجومەنی نوێنەرانی عیراق کۆدەبنەوە.

 پێشھاتە ئەمنییەکان تاوتوێ دەکرێن 

ئەوەشی خستوەتەڕو، ئامانجی کۆبونەوەکەش بۆتاوتوێکردنی پێشھاتە ئەمنییەکان و تەواوکردنی بەرنامەی حکومەتی نوێ و چەند پرسێکی تری گرنگی پەیوەست بە دۆخی وڵات دەبێت.

گفتوگۆ لەسەر مەترسییە ئەمنییەکانی پەیوەست بە سنوری تورکیا و ئێران دەکرێت 

بەپێی زانیارییەکان لە کۆبونەوەکەدا لەسەر چوار ئاست و پرسی سیاسی، لایەنەکان گفتوگۆ دەکەن لەسەر تەواوکردنی کابینەی حکومەتی نوێ، پڕکردنەوەی پۆستە وەزارییەکان، یاسای ھەڵبژاردن. لیژنەکانی پەرلەمانی عێراق، مەترسییە ئەمنییەکانی پەیوەست بە سنوری تورکیا و کۆماری ئیسلامی ئێران.

نیشانەکردن

یەکێتی عێراق