سەرۆکی شارەوانی هەڵەبجە دەستگیر دەکرێت

09:45 - 27/09/2022

21159جار خوێندراوەتەوە

کوێستان ئەکرەم، سەرۆکی شارەوانی هەڵەبجە

خەندان-

لەسەر دۆسیەی کەمتەرخەمی بەرامبەر زێدەڕۆیی لەسەر زەوی و موڵکی گشتی، دادگای هەڵەبجە فەرمانی دەستگیرکردنی بۆ کوێستان ئەکرەم، سەرۆکی شارەوانی هەڵەبجە دەرکرد و ئەمڕۆش ناوبراو تا یەکلاکردنەوەی دۆسیەکەی دەستگیرکراوە.

تا یەکلاکردنەوەی دۆسیەکەش ناوبراو دەستبەسەر دەکرێت

بەگوێرەی زانیارییەکانی خەندان ئەمڕۆ سێشەممە لەسەر فەرمانی دادگا، بەڕێوەبەرایەتی پۆلیسی پارێزگای هەڵەبجە کوێستان ئەکرەم، سەرۆکی شارەوانی هەڵەبجەی دەستگیرکردوە و تا یەکلاکردنەوەی دۆسیەکەش ناوبراو دەستبەسەر دەکرێت.

کەمتەرخەم بوە بەرامبەر زێدەڕۆیی لەسەر زەوی و موڵکی گشتی

یەکێک لەو دۆسیانەی سەرۆکی شارەوانی هەڵەبجە لەسەری دەستگیرکراوە، پەیوەندی هەیە بە تۆمەتبارکردنی بەوەی کەمتەرخەم بوە بەرامبەر زێدەڕۆیی لەسەر زەوی و موڵکی گشتی.

سبەی چوارشەممە ئەنجومەنی شارەوانیی هەڵەبجە کۆدەبێتەوە

لەسەر ئەو بابەتەش بڕیارە سبەی چوارشەممە ئەنجومەنی شارەوانیی هەڵەبجە کۆببێتەوە و تا یەکلاییکردنەوەی دۆسیەی سەرۆکی شارەوانی، کەسێکی دیکە وەک سەرۆکی شارەوانی بە وەکالەت دیاری دەکرێت بۆ راییکردنی کاروباری هاوڵاتیان.