سه‌رۆك بەرھەم: شێخ عەدنان نەقشبەندی کەسایەتییه‌كی نیشتمانپەروەر بو

11:29 - 20/09/2022

1882جار خوێندراوەتەوە

خه‌ندان-

سه‌رۆك به‌رهه‌م له‌ په‌یامێكدا بۆ كۆچی دوایی شێخ عەدنان محەممەد حسامەدین، رایگه‌یاند،  شێخ عەدنان، ئه‌ندامی خولی یه‌كه‌می په‌رله‌مانی كوردستان، کەسایەتییه‌كی نیشتمانپەروەر بو. 

د. به‌رهه‌م ساڵح، سه‌رۆك كۆماری عێراق ئه‌مڕۆ چوارشه‌ممه‌ له‌ په‌یامێكدا بۆ كۆچی دوایی  شێخ عەدنان نەقشبەندی، رایگه‌یاند، "به‌داخێکی زۆره‌وه‌ هه‌واڵی کۆچی دوایی خوالێخۆشبو (شێخ عەدنان محەممەد حسامەدین نەقشبەندی) کەسایەتی نیشتمانپەروەر و ئەندامی خولی یەکەمی پەرلەمانی کوردستان و وەزیری پێشوتری ئەوقاف و کاروباری ئایینی هەرێمی کوردستان مان پێگەیشت".

ده‌قی په‌یامه‌كه‌ی سه‌رۆك كۆماری عێراق 
پەیامی هاوخەمی سەرۆک بەرهەم بۆ خانه‌واده‌ و کەسوکار و بنەماڵەی خوالێخۆشبوو کەسایەتی نیشتمانپەروەر شێخ عەدنان نەقشبەندی

بەرێزان / خانه‌واده‌ و کەسوکار و بنەماڵەی خوالێخۆشبوو شێخ عەدنان نەقشبەندی

به‌داخێکی زۆره‌وه‌ هه‌واڵی کۆچی دوایی خوالێخۆشبوو (شێخ عەدنان محەممەد حسامەدین نەقشبەندی) کەسایەتی نیشتمانپەروەر و ئەندامی خوولی یەکەمی پەرلەمانی کوردستان و وەزیری پێشووتری ئەوقاف و کاروباری ئایینی هەرێمی کوردستان مان پێگەیشت.

به‌م بۆنه‌ خه‌مباره‌وه‌ پرسه‌ و هاوخەمی قووڵی خۆمان ئاڕاسته‌ی خانه‌واده‌ و كه‌سوكار و بنەماڵەکەتان ده‌كه‌م و داواکارم له‌ خودای گه‌وره‌ به‌ر ره‌حمه‌تی خۆی بخات و به‌ به‌هه‌شتی به‌رینی شاد بكات و دوا کۆستی بنەماڵە بەرێزەکەتان بێت و سه‌بووری و دڵنەوایی هه‌موو لایه‌ك بدات.

ٳنــا لله وٳنــا ٳلــیــه راجــعــون

د. بەرھەم ساڵح
سەرۆک کۆماری عێراق