هەواڵی ئەمڕۆ

سه‌رۆك به‌رهه‌م: شاژنە ئیلیزابێس وەک نمونەی باڵا و دوبارەنەبو له‌ مێژودا ته‌ماشا دەکرێت

10:29 - 08/09/2022

2285جار خوێندراوەتەوە

دیمه‌نی كۆبونه‌وه‌ی سه‌رۆك به‌رهه‌م و شاژنە ئیلیزابێس له‌ کۆشکی باکینگھام- 27-6-2019

خه‌ندان-

سه‌رۆك به‌رهه‌م له‌ په‌یامێكدا له‌باره‌ی كۆچی دوایی شاژنی بریتانیا رایگه‌یاند، شاژنە ئیلیزابێس وەک نمونەی باڵا و دوبارەنەبو له‌ مێژودا ته‌ماشا دەکرێت، کە بە نیعمەت و کەرامەت و خۆڕاگرییەوە خزمەتی کردوە.

د. به‌رهه‌م ساڵح، سه‌رۆك كۆماری عێراق له‌ تویتێكدا له‌ هه‌ژماری تایبه‌تی خۆی نوسیویه‌تی، "زۆر دڵتەنگم بە کۆچی دوایی شاژنە ئیلیزابێس، پرسە و سەرەخۆشی لە بنەماڵەی شاهانە و گەلی شانشینی یەکگرتو دەکەم،  شاژن وەک نمونەی باڵا و دوبارەنەبو له‌ مێژودا ته‌ماشا دەکرێت، کە بە نیعمەت و کەرامەت و خۆڕاگرییەوە خزمەتێکی کردوە".

شاژنه‌ ئیلیزابێسی دوه‌م له‌ سكۆتلاند كۆچی دواییكرد
خێزای شاهانه‌ی بریتانیا له‌ هه‌ژماری فه‌رمی له‌ تۆڕی كۆمه‌ڵایه‌تی تویته‌ر بڵاویكرده‌وه‌، "شاژنه‌ ئیلیزابێسی دوه‌م، شاژنی بریتانیا (ئێواره‌ی ئه‌مڕۆ پێنجشه‌ممه‌ به‌ كاتی بریتانیا) له‌ سكۆتلاند كۆچی دواییكرد".
ته‌واوی ئه‌ندامی خێزانی شاهانه‌ش به‌ر له‌ مردنی له‌گه‌ڵیدا بون
ئاماژه‌ی به‌وه‌شكردوه‌، ته‌واوی ئه‌ندامی خێزانی شاهانه‌ش به‌ر له‌ مردنی له‌گه‌ڵیدا بون و ته‌رمی شاژنی بریتانیا ئه‌مڕۆ له‌ كۆشكی پاڵمۆڕاڵ له‌ سكۆتلاند ده‌مێنێته‌وه‌ و سبه‌ینێش به‌ره‌و له‌نده‌ن ده‌گه‌ڕێندرێته‌وه‌.
شاژن ئیلیزابێس-ی دوه‌م، شاژنی بریتانیا له‌ ساڵی 1952دا ته‌ختی پاشایه‌تی بریتانیای مه‌زنی گرته‌ده‌ست
شاژن ئیلیزابێس-ی دوه‌م، شاژنی بریتانیا له‌ ساڵی 1952دا ته‌ختی پاشایه‌تی بریتانیای مه‌زنی گرته‌ده‌ست و یه‌كێك بو له‌و كه‌سانه‌ی ده‌ستی باڵای هه‌بوه‌ له‌ گۆڕانكاری و ئه‌نجامدانی ریفۆڕم له‌ ته‌واوی بریتانیادا، توانی ده‌سته‌ی كۆمه‌ڵه‌ی وڵاتانی هاوسود (Commonwealth Realm) پێكبهێنێت، كه‌ له‌و وڵاتانه‌ پێكهاتبون كه‌ له‌ كۆندا ژێرده‌ستی برتانیا بون.