هەواڵی ئەمڕۆ

سەرۆک بەرهەم پەیامێک ئاڕاستەی سەرۆکی چین دەکات

03:37 - 07/09/2022

3202جار خوێندراوەتەوە

خەندان-

لەدوای روداوی بومەلەرزەکەی ناوچەی سیچوانی چین، د.بەرهەم ساڵح، سەرۆک کۆماری عێراق لە پەیامێکی هاوخەمیدا بۆ شی جین پینگ، سەرۆکی ئەو وڵاتە، رایگەیاند، بەناوی گەلی عێراقەوە پرسە و هاوخەمی قوڵ ئاڕاستەی ئێوە و گەلی چین و کەسوکاری قوربانیان دەکات.

بە داخ و پەژارەیەکی زۆرەوە هەواڵی بومەلەرزەکەی ناوچەی سیچوان- مان پێگەیشت

د.بەرهەم ساڵح، ئەمڕۆ چوارشەممە، لە پەیامێکدا کە ئاراستەی شی جین پینگ، سەرۆکی کۆماری چین  رایگەیاندوە،" بە داخ و پەژارەیەکی زۆرەوە هەواڵی بومەلەرزەکەی ناوچەی سیچوان- مان پێگەیشت کە بوە هۆی گیانلەدەستدان و برینداربون و بێسەروشوێنبونی ژمارەیەک هاوڵاتی چین".

پرسە و هاوخەمی قوڵی خۆم ئاڕاستەی بەڕێزتان و گەلی چین و کەسوکاری قوربانیان دەکەم

لەبەشێکی دیکەی پەیامەکەیدا هاتوە،" بەهۆی ئەو روداوە دڵتەزێنەوە بەناوی گەلی عێراق و بەناوی خۆمەوە پرسە و هاوخەمی قوڵی خۆم ئاڕاستەی بەڕێزتان و گەلی چین و کەسوکاری قوربانیان دەکەم و خودا سه‌بوری و دڵنەوایی هه‌مو لایه‌ك بداتەوە، هەروەها ئومێدی زوو چاکبونەوە بۆ بریندارەکان دەخوازم، هاوکات هیوادارم بەڕێزتان و گەلی چین لە هەوو ناخۆشیەک بە دوربن".