ئه‌ڤه‌تار به‌ كوالێتی به‌رزتر ده‌گه‌ڕێته‌وه‌ و به‌شی دوه‌میش پێشوازی له‌ هه‌وادارانی ده‌كات

03:48 - 28/08/2022

5018جار خوێندراوەتەوە

Avatar: The Way of Water

خه‌ندان-

دوای ئه‌وه‌ی له‌ساڵی 2009 به‌شی یه‌كه‌می فیلمی (Avatar) به‌رهه‌مهێنراو یه‌كێك بو له‌ پڕبینه‌رترینه‌كانی ساڵ، دوای تێپه‌ڕبونی 13 ساڵ جارێكی دیكه‌ به‌ چیرۆك و كوالێتییه‌كی به‌رزتره‌وه‌ ئه‌مساڵ له‌ سینه‌ماكان په‌خش ده‌كرێت و جه‌نگی ئه‌م جاره‌ش له‌سه‌ر مانه‌وه‌ و پارێزگاریكردن له‌ نیشتیمان و هه‌ساره‌ی پاندۆرا و خێزان ده‌بێت.

وێبساتی imdb.com، جه‌یمس كامرۆن، ده‌رهێنه‌ری به‌ناوبانگ بۆ ماوه‌ی 12 ساڵ كاری له‌سه‌ر به‌رهه‌مهێنانی ئه‌م به‌شه‌ نوێیه‌ فیلمی(Avatar) كرد وا بڕیاری 16ی (ئه‌یلول/9) ئه‌مساڵ له‌سه‌ر شاشه‌ی سینه‌ماكان نمایش بكرێت.

هه‌ریه‌كه‌ له‌ Sam Worthington و Zoe Saldana  رۆڵی سه‌ره‌كی تێدا ده‌بینین
ئاماژه‌ی به‌وه‌شكردوه‌، له‌م به‌شه‌ی فیلمكه‌دا كه‌ به‌ (Avatar: The Way of Water) ناونراوه‌، ته‌واوی چیرۆكی فلمه‌كه‌ له‌لایه‌ن هه‌ریه‌كه‌ له‌ James Cameron و Josh Friedmanوه‌ نوسراوه‌ و هه‌ریه‌كه‌ له‌ Sam Worthington و Zoe Saldana وJamie Flatters رۆڵی سه‌ره‌كی تێدا ده‌بینین.
جه‌نگ و روبه‌ڕوبونه‌وه‌ی ئه‌م جاره‌ له‌ پێناو پاراستنی هه‌سه‌ره‌ و مانای راسته‌قینه‌ی خۆشه‌ویستی و پاراستنی نیشتیمانه‌دایه‌
ئه‌و وێبسایته‌ باسی له‌وه‌شكردوه‌،  چیرۆكی ئه‌م به‌شه‌ی فیلمی پاش روداوه‌كانی به‌شی یه‌كه‌مه‌وه‌ ده‌ستپێده‌كات كاتێك Jake Sully و Neytiri كاره‌كته‌رانی سه‌ره‌كی نێو فیلمەکە به‌ پێنج منداڵه‌وه‌ خێزانێكیان نوێیان دروستكردوه‌ و له‌لایه‌كی دیكه‌شه‌وه‌ مرۆڤه‌كان خۆیانیان كۆكردوه‌ته‌وه‌ و جارێكی دیكه‌ ده‌یانه‌وێت هه‌ساره‌ی پاندۆرا كۆنترۆڵبكه‌نه‌وه‌ جه‌نگ و روبه‌ڕوبونه‌وه‌ی ئه‌م جاره‌ له‌ پێناو پاراستنی هه‌سه‌ره‌ و مانای راسته‌قینه‌ی خۆشه‌ویستی و پاراستنی نیشتیمانه‌دایه‌.
به‌شی یه‌كه‌می فلمه‌كه‌ به‌شێوه‌یه‌كی گشتی كواڵێتییه‌كه‌ی بۆ 4K به‌رزكراوه‌ته‌وه‌ 
ئه‌وه‌شی خسته‌ڕو، به‌شی یه‌كه‌می فیلمەکە به‌شێوه‌یه‌كی گشتی كواڵێتییه‌كه‌ی بۆ 4K به‌رزكراوه‌ته‌وه‌ و به‌راورد به‌ پێشتر ئێستا هه‌وادارانی به‌ كوالێتییه‌كی به‌رزتر ته‌ماشای بكه‌ن و پاش تێپه‌ڕبونی چه‌ندین ساڵ و به‌رهه‌مهێنان و به‌رزكردنه‌وه‌ی ئاستی فیلمەکانی خه‌یاڵی زانستی ئه‌م به‌شه‌ر كوالێتیه‌كی ئێجگار به‌رز و راسته‌قینه‌ی هه‌یه‌ و چێژێكی زیاتر به‌ بینه‌ران ده‌به‌خشێت.   

نیشانەکردن

جیهان جۆراوجۆر