ئەدھەم بارزانی پێشنیارێكی سەیر بۆ پەرلەمانی کوردستان ده‌كات

11:20 - 05/08/2022

12099جار خوێندراوەتەوە

خه‌ندان-

ئەدھەم بارزانی ێشنیارێك بۆ پەرلەمانی کوردستان ده‌كات و رایده‌گه‌یه‌نێت، پڕۆژە یاسایەک بخاتە دەنگدان بۆ ئەوەی تەواوی بابەت و یاسایەکانی کە پەیوەستن بە دیموکراسی و ئازادی كه‌ دەنگی لە سەرداوە، ئه‌وكات جەماوەری داماوی کوردستان واز لە رۆژنامەنۆسی و ئازادی بیروڕا دەڕبرین  و خۆپیشاندان ده‌هێنێت.

ئەدھەم بارزانی ئه‌مشه‌و له‌ په‌یامێكدا بڵاویكرده‌وه‌، "من پێشنیار دەکەم پەرلەمانی کوردستان پڕۆژە یاسایەک بخاتە دەنگدان بۆ ئەوەی تەواوی بابەت و یاسایەکانی کە پەیوەستن بە دیموکراسی و ئازادی و پەرلەمان دەنگی لە سەرداوە، وەک ئازادی رۆژنامەگەری  و ئازادی بیروڕا و ئازادی خۆپیشاندان قەدەغە بکرێن".

له‌دوای په‌سه‌ندكردنی پڕۆژه‌كه‌، جەماوەری داماوی کوردستان واز لە رۆژنامەنوسی و ئازادی بیروڕا دەڕبرین
ئاماژه‌ی به‌وه‌شكردوه‌، له‌دوای په‌سه‌ندكردنی پڕۆژه‌كه‌، "جەماوەری داماوی کوردستان واز لە رۆژنامەنوسی و ئازادی بیروڕا دەڕبرین و خۆپیشاندان ده‌هێنن، چیتر ناگیرێت و ناڕفێندرێت و مۆبایلەکانیان نابردرێن و لە کوتاییدا زیندانی ناکرێن، چونکە ئاگاداردەبن کە ئەم کارانە لە وڵاتی  سەدان ھه‌زاران شەھیددا قەدەغه‌و یاساغە".
تا ئێستا ده‌ستگیركردنی چالاكوانی خۆپیشاندانه‌كان و رۆژنامه‌نوسان لە كوردستاندا به‌رده‌وامی هه‌یه‌
له‌ هه‌رێمی كوردستاندا تا ئێستا ده‌ستگیركردنی چالاكوانی خۆپیشاندانه‌كان و رۆژنامه‌نوسان به‌رده‌وامی هه‌یه‌، له‌ماوه‌ی چه‌ند ساڵی رابردوشدا به‌تۆمه‌تی ئه‌نجامدانی خۆپیشاندانی بێمۆڵه‌ت و تێكدانی ئاسایشی نیشتیمانی له‌ پارێزگاكانی دهۆك و هه‌ولێر ده‌یان چالاكوان و رۆژنامه‌نوس سزادراون و تا ئێستاش به‌شێكیان له‌ زینداندان.