چوار موشەک ئاراستەی سەنگەرەکانی هێزی پێشمەرگە و سەربازگەی زێلکان کران

05:06 - 26/06/2022

2433جار خوێندراوەتەوە

خەندان-

دژە تیرۆری کوردستان رایگەیاند، دواینیوەڕۆی ئەمڕۆ چوار موشەک لە سنوری نێوان  دەروازەی بازگەی گەڕەکی تەحریر لە شاری موسڵ و بازگەی دەروازەی باشیک لە سنوری دەسەڵاتی حکومەتی فیدڕاڵی کران، دەشڵێت موشەکەکان هیچ زیانێکیان بەدواوە نەبوە.

چوار موشەک ئاراستەی سەنگەرەکانی هێزی پێشمەرگەی کوردستان و سەربازگەی زێلکان لە ناحیەی باشیکی سەر بە پارێزگای نەینەوا کە تێیدا هێزەکانی سوپای تورکیا لەخۆ دەگرێت کران

دژە تیرۆری کوردستان، لە راگەیەندراوێکدا ئەمڕۆ یەکشەممە بڵاویکردوەتەوە،"  ئەمڕۆ کاتژمێر 2:30ی پاشنیوەڕۆ، چوار موشەک لە سنوری نێوان دەروازەی بازگەی گەڕەکی تەحریر لە شاری موسڵ و بازگەی دەروازەی باشیک لە سنوری دەسەڵاتی حکومەتی فیدڕاڵی کە تێیدا میلیشیاکان باڵادەستن ئاراستەی سەنگەرەکانی هێزی پێشمەرگەی کوردستان و سەربازگەی زێلکان لە ناحیەی باشیکی سەر بە پارێزگای نەینەوا کە تێیدا هێزەکانی سوپای تورکیا لەخۆ دەگرێت کران".

 دو لە موشەکەکان لە نزیک فەوجی دوی لیوای 112ی هێزی پێشمەرگەی کوردستان کەوتونەتە خوارەوە

ئاماژەی بەوەشکردوە،"  دو لە موشەکەکان لە نزیک فەوجی دوی لیوای 112ی هێزی پێشمەرگەی کوردستان کەوتونەتە خوارەوە و دو موشەکی دیکەشیان لە نزیک گوندی گودادی سەر بە ناحیەی باشیک نزیک لە سەربازگەی زێلکانی سوپای تورکیا کەوتنە خوارەوە".

 کەوتنە خوارەوەی ئەو موشەکانە هیچ زیانێکی گیانی و مادی بەدواوە نەبوە

بەگوێرەی زانیارییەکانی دژە تیرۆری کوردستان کەوتنە خوارەوەی ئەو موشەکانە هیچ زیانێکی گیانی و مادی بەدواوە نەبوە، تائێستاش هیچ لایەنێک بەرپرسیارێتی خۆی لە ئاراستەکردنی ئەو موشەکانە رانەگەیاندوە.