ئەنبار؛ تەقینەوەیەک کوژران و برینداربونی ژمارەیەک سەربازی لێکەوتەوە

01:08 - 23/06/2022

1194جار خوێندراوەتەوە

خەندان-

سەرچاوەیەکی ئەمنی لە پارێزگای ئەنبار رایگەیاند، لەئەنجامی تەقینەوەی بۆمبێکی تەوقیتکراو بە ئۆتۆمبێلێکی فەرماندەیی ئۆپراسیۆنەکان سەربازێک کوژرا و دوانی دیکەش برینداربون.

سەربازێک کوژراوە و دوانی دیکەش برینداربون کە برینی یەکێکیان سەختە

سایتی سۆمەرییە نیوز، ئەمڕۆ پێنجشەممە، لەزاری سەرچاوەیەکی ئەمنییەوە بڵاویکردوەتەوە،" بەیانی ئەمڕۆ لەئەنجامی تەقینەوەی بۆمبێکی چێندراو بە کاروانێکی سریەی ئەندازیاری مەیدانی ئۆپراسیۆنەکانی ئەنبار، سەربازێک کوژراوە و دوانی دیکەش برینداربون کە برینی یەکێکیان سەختە".

سەربازێک کوژراوە و دوانی دیکەش برینداربون کە برینی یەکێکیان سەختە

ئەمە لەکاتێکدایە، هەر بەیانی ئەمڕۆ سەربازێک کوژراوە و دوانی دیکەش برینداربون کە برینی یەکێکیان سەختە کە بەگوێرەی جۆری برینەکانیان دۆخی تەندروستیان جیاوازە.

لە ماوەكانی رابردودا هێزە ئەمنییەكانی عیراق و هێزەكانی حەشدی شەعبی قۆناغی یەكەمی ئۆپراسیۆنی ئیرادەی پۆڵاینیان لەناوچەكانی باشوری قەزای حەزەر باشوری رۆژئاوای پارێزگای نەینەوا، ناوچەكانی رۆژئاوای دۆڵی سەرسار و بیابانی جەزیرە ئەنجامدا دواتریش لە مانگی نیسان قۆناغی دوەمی ئۆپراسیۆنی ئیرادەی پۆڵاینیان بەئامانجی راوەدونانی پاشماوەكانی رێكخراوی داعش لە پارێزگاكانی نەینەوا، سەڵاحەدین و ئەنبار دەستپێكردەوە، هەفتەی رابردوش بە سەرپەرشتی فەرماندەیی ئۆپراسیۆنە هاوبەشەکان، کەتێیدا چەند هێزێکی سەر بە سوپای عێراق و حەشدی شەعبی و فەرماندەیی ئۆپراسیۆنەکانی(سەڵاحەدین، سامەرا، دیالە) و قۆناغی سێیەمی ئیرادەی پۆڵایین، بەمەبەستی پشکنینی ناوچەکانی حاوی عەزیم لە پارێزگای دیالە دەستیپێکرد.
لەسەرجەم ئەو ئۆپراسیۆنانەی ئەنجامدراون ژمارەیەک چەکداری داعش کوژران و دەستگیرکراون و چەندین حەشارگە تێکدراون و دەست بەسەر ژمارەیەک چەک و تەقەمەنیشدا گیراون.