تورکیا دەستگیرکردنی شەش هاوڵاتی عێراقی راگەیاند

12:27 - 22/06/2022

3488جار خوێندراوەتەوە

خەندان-

هێزە ئەمنییەکانی تورکیا رایانگەیاند، شەش هاوڵاتی عێراقییان دەستگیرکردوە کە گومانی بونی پەیوەندیان بە چەکدارانی داعشەوە لەسەربوە.

زانیارییان لەبارەی شەش هاوڵاتی عێراقی دەستکەوتوە

ئاژانی هەواڵی ئەنادۆڵی تورکی، ئەمڕۆ چوارشەممە بڵاویکردوەتەوە،" تیمەکانی بەگژداچونەوەی تیرۆری سەر بە بەڕێوەبەرایەتی ئاسایشی ناوچەی قەیسەری، زانیارییان لەبارەی شەش هاوڵاتی عێراقی دەستکەوتوە، کە لە سوریا و عێراق کاریان بۆ داعش کردوە".

 لەهەڵمەتێکدا توانراوە هەر شەش کەسەکە دەستگیربکرێن

ئاماژەی بەوەشکردوە،" لەهەڵمەتێکدا توانراوە هەر شەش کەسەکە دەستگیربکرێن و دەستبەسەر ئەو کەلوپەلە تەکنەلۆجیانەدا بگیرێت کە پێیان بوە".

لەئێستادا تۆمەتبارەکان راگیراون، رێوشوێنە یاساییەکان لەگەڵیاندا بەردەوامە

ئاشکراشیکردوە،" لەئێستادا تۆمەتبارەکان راگیراون، رێوشوێنە یاساییەکان لەگەڵیاندا بەردەوامە".

ئەمە لەکاتێکدایە،لەمانگی نیسانی ئەمساڵ لە ناوچەی سامسۆنی سەر دەریای رەش، شەش هاوڵاتی دیکەی بەرەگەز عێراقی دەستگیرکران کە تۆمەتباربون بە بونی پەیوەندی بە چەکدارانی داعشەوە.

بەوتەی دەزگا ئەمنیەکانی تورکیا، لەشوێنی مانەوەی دەستگیرکراوەکان، دەست بەسەر ژمارەیەکی زۆر بەڵگەنامە و نوسراودا گیراوە کە پەیوەندیان بە داعشەوە دوپات دەکاتەوە.