بافڵ جەلال تاڵەبانی و عەلی باپیر: هەنگاوی کرداری و خێرا بۆ چاره‌سه‌ری كێشه‌كان بنرێت

04:08 - 25/05/2022

980جار خوێندراوەتەوە

خه‌ندان-

بافڵ جەلال تاڵەبانی و عەلی باپیر، ‎سه‌رۆکی کۆمه‌ڵی دادگه‌ریی کوردستان‌ لە شاری ھەولێر کۆبونەوە و هەردولا جەختیان لە هەنگاوی کرداری و خێراکردەوە لەپێناو چارەسەرکردنی کێشەکان، باشترکردنی ژیان و گوزەرانی خەڵک و حوکمڕانییەکی تەندروست کە خزمەتکاری خەڵک بێت.

بافڵ جەلال تاڵەبانی له‌ راگه‌یه‌ندراوێكدا له‌ هه‌ژماری تایبه‌تی خۆی بڵاویكرده‌وه‌، ئه‌مڕۆ له‌گه‌ڵ عەلی باپیر، ‎سه‌رۆکی کۆمه‌ڵی دادگه‌ریی کوردستان‌ لە شاری ھەولێر كۆبوه‌ته‌وه‌ و لە کۆبونەوەكه‌دا کە ژمارەیەک لە ئەندامانی دەستەی کارگێڕی و مەکتەبی سیاسیی یەکێتی ئامادەیبون، گفتوگۆی نیشتمانیی و بەرپرسیارانە لەبارەی دۆخی سیاسیی و ئابورییەوە کرا و پەیوەندییەکانی نێوان هەرێم و بەغدا تاوتوێکران.

هەردولا جەختیان لە هەنگاوی کرداری و خێرا کردەوە لەپێناو چارەسەرکردنی کێشەکان

ئاماژه‌ به‌وه‌شكراوه‌، "هەردولا جەختیان لە هەنگاوی کرداری و خێرا کردەوە لەپێناو چارەسەرکردنی کێشەکان، باشترکردنی ژیان و گوزەرانی خەڵک و حوکمڕانییەکی تەندروست کە خزمەتکاری خەڵک بێت".

 جەخت لە کۆدەنگی و یەکڕیزی نێوان هێز و لایەنە سیاسییەکانی هەرێمی كوردستان کرایەوە

له‌راگه‌یه‌ندراوه‌كه‌دا هاتوه‌، لە درێژەی کۆبونەوەکەدا جەخت لە کۆدەنگی و یەکڕیزی نێوان هێز و لایەنە سیاسییەکانی هەرێمی كوردستان کرایەوە بەجۆرێک کە دیالۆگ و لێکتێگەیشتن ببێتە بنەمای کارکردن لەسەر ئەو پرسانەی رەهەندی نیشتمانییان هەیە و ئەمەش بە فاکتەری بەهێزترکردنی قەوارەی هەرێم و پێگەی کورد لە بەغدا وەسفکرا.

ھەر لەکۆبونەکەدا جەخت لە پەرەپێدانی پەیوەندییەکانی نێوان یەکێتی و کۆمەڵی دادگەریی کرایەوە بەجۆرێک خزمەت بە بەرژەوەندییە باڵاکانی گەلی کورد و یەکڕیزیی نیشتمانیی بکات.

May be an image of 8 people, people sitting and people standing

May be an image of 4 people, people sitting, people standing, suit and indoor