بەلەمێکی کۆچبەران بە 100 کۆچبەرەوە ژێرئاو کەوت

02:21 - 25/05/2022

3968جار خوێندراوەتەوە

خەندان-
پاسەوانی کەناراوەکانی تونس رایدەگەیەنێت، بەلەمێکی کۆچبەران بە 100 کۆچبەرەوە نوقمبو و تائێستا 76 کەس بێسەروشوێن و توانراوە 25 کۆچبەریش لە مردن رزگاربکرێن.

 بەلەمێکی کۆچبەران لە کەناراوەکانی تونسی رۆژهەڵات نوقبمبوە

ئەمڕۆ چوارشەممە، حسامەدین جەبابلی، وتەبێژی کەناراوەکانی تونس لە راگەیەندراوێکدا بڵاویکردوەتەوە،"  بەلەمێکی کۆچبەران لە کەناراوەکانی تونسی رۆژهەڵات نوقبمبوە، دوای ئەوەی لە شاری زورەی لیبیاوە بە 100 کۆچبەرەوە بەڕێکەوتوە".

تائێستا توانراوە 24 سەرنشینی بەلەمەکە رزگاربکرێن

رونیشیکردوەتەوە،" تائێستا توانراوە 24 سەرنشینی بەلەمەکە رزگاربکرێن، گەڕان بەدوای ئەو کەسانەشا بەردەوامە کە بێ سەروشوێن بون".

توانیویانە 16 کۆچبەری دیکە لە هەڵگری رەگەزنامەکانی ئاسیا و ئەفریقا رزگاربکەن کە بە بەلەمێکی چوپەوە

ئاشکراشیکردوە،" توانیویانە 16 کۆچبەری دیکە لە هەڵگری رەگەزنامەکانی ئاسیا و ئەفریقا رزگاربکەن کە بە بەلەمێکی چوپەوە، لە نزیکەی 10میل لە باشوری رۆژهەڵاتی نیمچەدورگەی کەرکێنەی سەر بە پارێزگای سفاقس رزگاربکەن، جگە لەوەی لەلایەکی دیکەوە هێزە دەریاییەکان هەشی کەسیان لە مردن رزگارکردوە و تەرمێکیشیان دۆزیوەتەوە".

بەشێکیش لە کۆچبەران کەناراوەکانی تونس بەکاردەهێنن

لەدوای نزیکبونەوەی وەرزی هاوین و جێگیربونی کەشوهەوا هەوڵەکانی کۆچی نائاسایی لەبەشێک لە دەوڵەتانی ئاسیا و ئەفریقا بەرزدەبێتەوە، بەشێکیش لە کۆچبەران کەناراوەکانی تونس بەکاردەهێنن.