سلێمانی؛ سێ‌ بەكارهێنەری مادەی هۆشبەر دەستگیركران

01:58 - 25/05/2022

1566جار خوێندراوەتەوە

خەندان-
پۆلیسی سلێمانی دەستگیرکردنی سێ کەسی راگەیاند کە تۆمەتبارن بە بەکارهێنانی ماددەی هۆشبەر و لەکاتی دەستگیرکردنیشیاندا برێک ماددەی هۆشبەر دەستی بەسەرداگیراوە.

زانیاری گەیشتە هێزەكانی پۆلیسی سلێمانی لەسەر سێ تۆمەتبار كە مادەی هۆشبەریان پێیە

ئەمڕۆ چوارشەممە، بەڕێوەبەرایەتی پۆلیسی پارێزگای سلێمانی بڵاویکردوەتەوە،" دوای ئەوەی زانیاری گەیشتە هێزەكانی پۆلیسی سلێمانی لەسەر سێ تۆمەتبار كە مادەی هۆشبەریان پێیە، پۆلیسی سلێمانی لێكۆڵینەوەكانی دەستپێكردو سەرەنجام توانرا تۆمەتباران بدۆزرێنەوە و دەستگیربكرێن".

 لەكاتی دەستگیركردنی تۆمەتبارەکاندا دەستگیرا بەسەر بڕێك مادەی هۆشبەر

رونیشیکردوەتەوە،" لەكاتی دەستگیركردنی تۆمەتبارەکاندا دەستگیرا بەسەر بڕێك مادەی هۆشبەر، دوای ئەوەی پشكنینیش بۆ تۆمەتباران ئەنجامدرا دەركەوت كە بەكارهێنەری مادەی ھۆشبەرن".

لەئێستادا تۆمەتباران( گ ، ق ، ع  لەدایكبووی 1971، أ ، ح ، ع لەدایكبووی  2000،ع ، س ، ع لەدایكبووی 2003)"،  بەبڕیاری دادوەرو بەپێی ماددەی (30)ی تایبەت بەمادە هۆشبەرەکان دەستگیركراون

ئاشکراشیکردوە،" لەئێستادا تۆمەتباران( گ ، ق ، ع  لەدایكبووی 1971، أ ، ح ، ع لەدایكبووی  2000،ع ، س ، ع لەدایكبووی 2003)"،  بەبڕیاری دادوەرو بەپێی ماددەی (30)ی تایبەت بەمادە هۆشبەرەکان دەستگیركراون و لەلایەن بنكەی پۆلیسی ئەزمەڕەوە پەڕاوی لێكۆڵینەوەیان بۆ كراوەتەوە".

 لەساڵی رابردودا 1943  هەزار و نۆسەد و چل و سێ کەس بە تۆمەتی بەکارهێنان و بازرگانیکردن بە ماددەی هۆشبەر دەستگیرکراون

پێشتریش بەڕێوەبەرایەتی گشتی بەرەنگاربونەوەی ماددە هۆشبەرەکان رایگەیاندبو تەنها لەساڵی رابردودا 1943  هەزار و نۆسەد و چل و سێ کەس بە تۆمەتی بەکارهێنان و بازرگانیکردن بە ماددەی هۆشبەر دەستگیرکراون، لەو ژمارەیەش 863  هەشت سەد و شەست و سێ کەسیان تۆمەتەکانیان بەسەردا ساغبوەتەوە.