لە گەرمیان بەهۆی خۆڵبارین دەوامی فەرمانگەکان راگیرا

11:51 - 23/05/2022

1275جار خوێندراوەتەوە

خەندان-

ئەمڕۆ دوشەممە بەهۆی کاریگەری ئەو شەپۆلە خۆڵبارینەی کە روی لەناوچەکە کردوە و بەمەبەستی پاراستنی تەندروستی  فەرمانبەران و هاوڵاتیان، ئیدارەی گەرمیان بڕیاریدا لە کاتژمێر 11:30ی خولەکی پێش نیوەڕۆوە کۆتایی بەدەوامی ئاسایی سەرجەم فەرمانبەران بهینێت لە فەرمانگەکانی حکومەت.

بۆ پاراستنی تەندروستی فەرمانبەران و هاوڵاتیان ئەمڕۆ دەوامی فەرمانگەکان راگیرا
ئیدارەی گەرمیان لە راگەیەنراوێکدا ئاماژەی بەوەکردوە، بەهۆی کاریگەری ئەو شەپۆلە خۆڵبارینەی کە روی لە گەرمیان کردوە هاوکات بەپێی پێشبینییەکانی کەشوهەوا ئەگەری  چڕبونەوەی زیاتری شەپۆلە کە هەیە، بۆیە بۆ پاراستنی تەندروستی  فەرمانبەران و هاوڵاتیان ئەمڕۆ دەوامی فەرمانگەکان راگیراوە.
بڕیارەکە فەرمانبەرانی کەرتی تەندروستی ناگرێتەوە
ئاماژەی بەوەشکردوە، ئیدارەی گەرمیان بڕیاریدا کە ئەمرۆ دوشەممە 23ی ئایاری 2022 لە کاتژمێر 11:30ی خولەک  کۆتایی بەدەوامی ئاسایی سەرجەم فەرمانبەران بهینێت لە فەرمانگەکانی حکومەت لە گەرمیان، جگە لە فەرمانبەرانی کەرتی تەندروستی و دەزگا خزمەتگوزارییەکان، کە لە خزمەتی هاوڵاتیانی سنورەکە دەبن.
بۆکاری زۆر پێویست نەبێت لەماڵەکانتان مەیەنە دەرەوە
ئیدارەی گەرمیان داواش لە هاوڵاتیان دەکات تاکۆتاییهاتنی ئەو شەپۆلە خۆڵبارینە، لە پێناو پاراستنی تەندروستیان بۆکاری زۆر پێویست نەبێت لەماڵەکانیان نەیەنە دەرەوە.

نیشانەکردن

گەرمیان