هەواڵی ئەمڕۆ

دەستەی کاروباری مین: لە سۆران قۆناغەکانی پاکسازی مین بەردەوامە

10:50 - 18/05/2022

835جار خوێندراوەتەوە

خەندان-

دەستەی گشتی کاروباری مین لە هەرێمی کوردستان رایگەیاند، لەئێستادا قۆناغەکانی پاکسازی مین لە کێڵگەی مینی قەلەندە A ی لەسنوری قەزای مێرگەسۆر بەردەوامی هەیە، بەتایبەت کە لەماوەی رابردودا زیاتر لە 50 ھاوڵاتی و سەدان ئاژەڵ لەو کێڵگەیە بەرکەوتەی مین بون و بونەتە قوربانی.

سەردانی کێڵگەی مینی قەلەندە A مان کرد لەسنوری قەزای مێرگەسۆر
جەبار مستەفا، سەرۆکی دەستەی گشتی کاروباری مین لەراگەیەنراوێکدا باسی لەوەکردوە، ئەمرۆ چوارشەممە بە یاوەری کارێڵ کۆرتانێک، سەرکونسوڵی کۆماری چیک  و عەلی عەبدولرەحمان، بەرێوبەری گشتی کاروباری مینی ھەولێر و بەشێک لەبەرپرسانی سنورەکە، سەردانی کێڵگەی مینی قەلەندە A یان کرد لەسنوری قەزای مێرگەسۆر. 
سەردانەکەیان بەمەبەستی لە نزیکەوە ئاگاداربون بوە لە چۆنیەتی بەرێوەچونی کاری مینلابەری
ئاماژەی بەوەشکردوە، سەردانەکەیان بەمەبەستی لە نزیکەوە ئاگاداربون بوە لە چۆنیەتی بەرێوەچونی کاری مینلابەری و لە هەمان کات دابینکردنی پشتیوانی هەرێمی و نێودەوڵەتی بو بۆ کاری پاکسازی مین لە هەرێمی کوردستان.
زیاتر لە 50 ھاوڵاتی  لەو کێڵگەیە بەرکەوتەی مین بون
سەرۆکی دەستەی گشتی کاروباری مین دەڵێت، وەک نمونە ئەم کێڵگە مینەیان بینی، چونکە زیاتر لە 50 ھاوڵاتی و هاونیشتیمانی و سەدان ئاژەڵ لەو کێڵگەیە بەرکەوتەی مین بون و بونەتە قوربانی .

نیشانەکردن

سۆران