لە رۆژهەڵاتی کوردستان دو زیندانیكراوی سیاسی دوای 7 ساڵ ئازاد دەکرێن

08:52 - 16/05/2022

1090جار خوێندراوەتەوە

خەندان-

دوای حەوت ساڵ زیندانیکردنیان بە تۆمەتی ئەندام بون لە حیزبی دیموکراتی کوردستانی ئێران، رۆژی یەکشەممە حسێن ئیبراهیم حەمزە و جەمال یوسفی، وەک دو زیندانیكراوی سیاسی لە بەندیخانەی ناوەندیی مەهاباد ئازاد کران.

لە بەندیخانەی ناوەندیی مەهاباد ئازاد کران
رێكخراوی مافی مرۆڤی هەنگاو ڤیدیۆی ساتی ئازادبونی هەردو زیندانیکراوەکەی بڵاوکردوەتەوە و باسی لەوەشكردوە، دوای حەوت ساڵ لە زیندانی هەریەك لە (حسێن ئیبراهیم حەمزە و جەمال یوسفی) کە دو زیندانیكراوی سیاسی خەڵکی بۆکان بون،  دوێنێ یەکشەممە لە بەندیخانەی ناوەندیی مەهاباد ئازاد کران.
 لە لقی یەکەمی دادگای شۆڕشی مەهاباد دادگاییکران
ئاماژەی بەوەشكردوە، هەردو زیندانیکراوەکە دوای حەوت ساڵ ناڕونی چارەنوسیان لە بەندیخانەکانی ئورمیە، بۆکان و مەهاباد دواجار لە ساڵی ڕابردودا لە ڕێگەی ڤیدیۆ کۆنفرانس دانیشتنی دادگاکەیان لە لقی یەکەمی دادگای شۆڕشی مەهاباد بەڕێوە چو.
 بەتۆمەتی ئەندام بون لە حیزبی دیموکراتی کوردستانی ئێران سزادرابون
رێكخراوی مافی مرۆڤی هەنگاو دەڵێت، حسێن ئیبراهیم حەمزە و جەمال یوسفی بەتۆمەتی ئەندام بون لە حیزبی دیموکراتی کوردستانی ئێران سزادرابون.