گەشتەکانی فڕۆکەخانەی بەغدا راگیران

08:19 - 16/05/2022

1894جار خوێندراوەتەوە

خەندان-

فڕۆکەخانەی نێودەوڵەتی بەغدا رایگەیاند، بەهۆی ئەو شەپۆلی خۆڵبارینەی ماوەی چەند کاتژمێرێکە بەغدا و زۆرینەی ناوچەکانی دیکەی عێراقی گرتوەتەوە، بڕیاردراوە گەشتە ئاسمانییەکان بەشێوەیەکی کاتی رابگیرێن.

ئاستی بینین بۆ کەمتر لە 300 مەتر دابەزیوە
فڕۆکەخانەی نێودەوڵەتی بەغدا لەراگەیەنراوێکدا باسی لەوەشکردوە، سەرجەم گەشتیاران و کۆمپانیاکانی بواری گەشتیاری ئاگادار دەکەنەوە کە لەم کاتەدا ئاستی بینین بۆ کەمتر لە 300 مەتر دابەزیوە، بۆیە بەهۆی ئەو شەپۆلی خۆڵبارینەی ماوەی چەند کاتژمێرێکە ڕوی لە ناوچەکە کردوە گەشتەکانی فڕۆکەخانە راگیراون.

ئاژەی بەوەشکردوە، لەکاتی ئاساییبونەوەی رەوشی کەشوهەوا و کۆتاییهاتنی خۆڵبارین، هاوڵاتیان و گەشتیاران لە دوایین رێنماییەکان ئاگادار دەکەنەوە.
شەپۆلێکی چڕی خۆڵبارین  زۆرینەی پارێزگاکانی عێراق دەگرێتەوە 
ئەوەش لەکاتێکدایە شەوی رابردو دەستەی کەشناسی عێراق رایگەیاند، لەسبەینێوە شەپۆلێکی چڕی خۆڵبارین  زۆرینەی پارێزگاکانی عێراق دەگرێتەوە و لە هەرێمیش تۆزو خۆڵێکی سوک بەرزدەبێتەوە.

نیشانەکردن

عێراق