عه‌بدولستار مه‌جید: ئەم دەسەڵاتە دەیەوێت ئەخلاق و پەروەردەی مناڵەکانیشمان بدزێت

12:43 - 14/05/2022

1944جار خوێندراوەتەوە

خه‌ندان-

سه‌رۆكی فراكسیۆنی كۆمه‌ڵی دادگه‌ری له‌ په‌رله‌مانی كوردستان رایگه‌یاند، ده‌سه‌ڵاتی هه‌رێمی كوردستان وەک "چۆن ژیانی میللەتێکی بەم رۆژە رەشە گەیاندوە، سامانی تاک بەتاکی خەڵکی تاڵان کردوە، "بەپیلان و بەرنامەیەکی خەتەرناک دەیەوێت ئەخلاق و پەروەردەی مناڵەکانیشمان بدزێت و بەلارێیدا ببات".

عه‌بدولستار مه‌جید، سه‌رۆكی فراكسیۆنی كۆمه‌ڵی دادگه‌ری له‌ په‌رله‌مانی كوردستان له‌ نوسینێكدا به‌ناونیشانی "ڕیگەنادەین پەروەردەی مناڵەکانمان بدزن" بڵاویكردوه‌ته‌وه‌، "ئەم دەسەڵاتە وەک چۆن ژیانی میللەتێکی بەم رۆژە رەشە گەیاندوە و سامانی تاک بەتاکی خەڵکی تاڵان کردوە، بەپیلان و بەرنامەیەکی خەتەرناک دەیەوێت ئەخلاق و پەروەردەی مناڵەکانیشمان بدزێت و بەلارێیدا ببات".

تەنها شتێک جێی شانازی میللەتی ئێمە بێت، دینەکەیەتی

ئاماژه‌ی به‌وه‌شكرد، "تەنها شتێک جێی شانازی میللەتی ئێمە بێت، دینەکەیەتی، بەڵام ئەمانە هەنگاو بە هەنگاو ساڵانە لە هەوڵی دابڕینی پەروەردەن لە ئیسلام و، پڕکردنی مێشکی قوتابییەکانمانە بە شتی پڕوپوچ".

"ئەم نمونەی پرسیارانەی کە بۆ قۆناغی دوانزەی ئامادەیی هێنراوەتەوە، هەوڵێکی خەتەرناکە و پێویستە دەسەڵات و وەزارەتی پەروەردە هەم رابگیرێت

ئه‌و په‌رله‌مانتاره‌ نمونه‌ی پرسیاره‌كانی په‌روه‌رده‌ی ئیسلامی كه‌ بۆ قۆناغی 12ی ئامادەیی هێنراوەتەوە بڵاوكردوه‌ته‌وه‌ و ده‌ڵێت، "ئەم نمونەی پرسیارانەی کە بۆ قۆناغی دوانزەی ئامادەیی هێنراوەتەوە، هەوڵێکی خەتەرناکە و پێویستە دەسەڵات و وەزارەتی پەروەردە هەم رابگیرێت و بە هۆش خۆ بهێنرێتەوە، هەم رونکردنەوە بدەنە کەسوکاری قوتابیان لەسەر ئەم هەڵە گەورەیە، هەم لیپرسینەوەش لەوانە بکرێت کە خەریکی بەلاڕێدابردنی پەروردەی میلەتێکی مسوڵماندان و دڵنیابن گەلێکی مسوڵمان رێنادات پەروەردە و فکری مناڵەکانی بدزرێت".

May be an image of text