هەواڵی ئەمڕۆ

وه‌زیری به‌رگری روسیا هۆشداری توند ده‌داته‌ ناتۆ

02:25 - 04/05/2022

29153جار خوێندراوەتەوە

خه‌ندان-

وەزیری بەرگری ڕوسیا هۆشداری ده‌داته‌ ناتۆ و رایده‌گه‌یه‌نێت، ته‌واوی ئه‌و بارهه‌ڵگرانه‌ی كه‌ چه‌ك ده‌گوازنه‌وه‌ ئۆكرانیا بۆ هاوكاریكردنی سوپای وڵاته‌كه‌ له‌لایه‌ن سوپای روسیاوه‌ ده‌كرێنه‌ ئامانج.

به‌پێی ماڵپه‌ڕی روسیا توده‌ی، سێرگی شویگۆ، وەزیری بەرگری ڕوسیا ئه‌مڕۆ چوارشه‌ممه‌ هۆشداری داوه‌ته‌ هاوپه‌یمانی‌ باكوری‌ ئه‌تڵه‌سی‌ (ناتۆ) و رایگه‌یاندوه‌، سوپای ڕوسیا بارهەڵگرەکانی ناتۆ کە چەک دەگوازنەوە بۆ ئۆکرانیا وەکو ئامانجێکی هێرشەکانیان سەیر دەکات.

ئەو چەکدارانەی ئۆکرانیا کە لە وێستگەی پۆڵای ئه‌زۆڤستاڵی شاری ماریوپۆڵدا خۆیان حەشارداوە بەتەواوەتی گەمارۆدراو
ئاماژه‌ی به‌وه‌شكردوه‌، ئەو چەکدارانەی ئۆکرانیا کە لە وێستگەی پۆڵای ئه‌زۆڤستاڵی شاری ماریوپۆڵدا خۆیان حەشارداوە بەتەواوەتی گەمارۆدراون، ئەوەش دوای ئەوەی سەرۆکی ڕوسیا ڤلادیمیر پوتن فەرمانیکرد گەمارۆ بدرێن.
ئەمریکا و هاوپەیمانەکانی ناتۆ بەردەوامن لە گه‌یاندنی چەک بۆ ناو ئۆکرانیا
وەزیری بەرگری روسیا جەختی لەوەکردەوە، کە "ئەمریکا و هاوپەیمانەکانی ناتۆ بەردەوامن لە گه‌یاندنی چەک بۆ ناو ئۆکرانیا" به‌ڵام هەر كاروانێكی چه‌ك كه‌ بگاتە خاکی ئۆکرانیا له‌لایه‌ن هێزه‌كانی ده‌كرێنه‌ ئامانج.

شویگۆ وتیشی، وەک بەشێک لەئۆپەراسیۆنە سەربازییە تایبەتەکەی وڵاته‌كه‌، هێزەکانی ڕوسیا لەگەڵ هێزەکانی کۆمارییە جەماوەرییەکانی لوهانسک و دۆنێتسک کۆنتڕۆڵی ئەو کۆمارانە دەکەنن.