هەواڵی ئەمڕۆ

لیژنەی بینینی مانگ یەکەم رۆژی جەژنی رەمەزان دیاریدەکات

01:39 - 30/04/2022

26050جار خوێندراوەتەوە

خەندان-

ئێوارەی ئەمڕۆ لیژنەی باڵای بینینی مانگ لە هەرێمی کوردستان، عێراق و زۆرینەی وڵاتانی جیهانی ئیسلامی بۆ چاودێری بینینی مانگ کۆدەبنەوە، وتەبێژی وەزارەتی ئەوقافی هەرێمیش رایگەیاند، یەکەم رۆژی جەژن لەدوای کاتژمێر 6:30ـی خولەکی ئێوارەی ئەمڕۆ یەکلایی دەبێتەوە.

لیژنەی باڵای بینینی مانگ کۆدەبێتەوە
نەبەز ئیسماعیل، وتەبێژی وەزارەتی ئەوقاف و كاروباری ئاینیی هەرێمی کوردستان بە خەندان-ی راگەیاند، کاتژمێر 6:30ـی خولەکی ئێوارەی ئەمڕۆ لیژنەی باڵای بینینی مانگ لە هەولێر و لیژنە لاوەکییەکانی دیکە لە سەرجەم پارێزگا و ئیدارە سەربەخۆکان چاودێری بینینی مانگ دەکەن.
 یەکەم رۆژی جەژن لەدوای کاتژمێر 6:30ـی خولەکی ئێوارەی ئەمڕۆ یەکلایی دەبێتەوە
ئاماژەی بەوەشکرد، تائێستا هیچ پێشبینییەک نیە کە ئایا رۆژی یەکشەممە یان رۆژی دوشەممە یەکەم رۆژی جەژنی رەمەزان دەبێت، بۆیە ئەو بابەتە لەدوای کاتژمێر 6:30ـی خولەکی ئێوارەی ئەمڕۆ یەکلایی دەبێتەوە.
ئاماژە فەلەکییەکان دەڵێن دوشەممە یەکەم رۆژی جەژنی رەمەزان دەبێت
ئەوە لەکاتێکدایە ئەمڕۆ پەیمانگای فەلەکناسی میسر لەراگەیەنراوێکدا ئاماژەی بەوەکردوە، بەگوێرەی ئاماژەکان سەرەتای مانگی شەوال دەکەوێتە رۆژی 2ی ئایاری 2022، ئەوەش مانای وایە مانگی رەمەزانی ئەمساڵ 30 رۆژ دەبێت و رۆژی دوشەممە یەکەم رۆژی جەژنی رەمەزان دەبێت.